جو اہلِ دل ہیں، کیفیت سے کب باہَر نکلتے ہیں
کہ ہر منظر سے طیبہ کے، کئی منظر نکلتے ہیں
Jo ahl-e-dil hain, kfiyat se kab baahr nikalte hain
Ke har manzar se Taiba ke, kahi manzar nikalte hain
شب معراج اُن کی اک جھلک جس راہ پر دیکھی
اُسی پر آج تک ہر شب مہ و اختر نکلتے ہیں
Shab e me'raj unki ek jhalak jis rah par dekhi
Usi par aaj tak har shab mah o akhtar nikalte hain
طوافِ قصر و ایواں اور ہم، توبہ، معاذ اللہ
کہ ہم جیسوں کے ارماں آپ کے در پر نکلتے ہیں
Tawaf e qasr o ewan aur hum, toba, ma’az Allah
Ke hum jaison ke arman aap ke dar par nikalte hain
رہے آباد میخانہ ترا اے ساقیِؐ بطحا!
کہ جس سے انبیاء و اولیا پی کر نکلتے ہیں
Rahe aabaad maikhana tera ae saqi-e-Bat’ha!
Ke jis se anbya o auliya pi kar nikalte hain
عجب ہے اُنؐ کے دیوانوں کا عالم راہِ طیبہ میں
جنونِ شوق کی اوڑھے ہوئے چادر نکلتے ہیں
Ajab hai un ke diwano ka aalam rah e Taiba mein
Junoon e shauq ki odhe huwe chadar nikalte hain
جوزائر ہیں، وہ زندہ لَوٹتے ہیں حاضری دے کر
جو عاشق ہیں، وہ اُن کے شہر سے مر کر نکلتے ہیں
Jo zair hain, woh zinda laut’te hain hazri de kar
Jo aashiq hain, woh un ke sheher se mar kar nikalte hain
بہالے جائے جن کو موجِ عشقِ ساقیِؐ کوثر
قیامت میں سہی، لیکن لبِ کوثر نکلتے ہیں
Baha le jaye jin ko mauj e ishq e saqi-e-Kausar
Qayamat mein sahi, lekin lab e kausar nikalte hain
تری نسبت کی دولت سیر چشمی بخش دے جن کو
شہانِ بُو الہوس سے وہ گدا بہتر نکلتے ہیں
Teri nisbat ki daulat seer chashmi baksh de jin ko
Shahan-e-bo alhavas se woh gada behtar nikalte hain
میسر آگیا تھا لمسِ نعلینِ نبیؐ جن کو
اب اُن ذرّات سے خورشید کے تیور نکلتے ہیں
Mayassar aagaya tha lams e na’lain e nabi jin ko
Ab un zarrat se khursheed ke tewar nikalte hain
سر محشر کہیں گے آپؐ ، دامن خشک سب، تیرے
مِرے حصّے میں کردے، جن کے دامن ترا نکلتے ہیں
Sar e mahshar kahenge aap, daman khushk sab, tere
Mere hisse mein karde, jin ke daman tira nikalte hain
پرستارِ خرد! نعتِ نبیؐ آساں نہیں اِتنی
کہ یہ اشعار دل کی راہ سے ہو کر نکلتے ہیں
Parastar e khird! Naat e nabi asaan nahi itni
Ke yeh ash’ar dil ki rah se ho kar nikalte hain
نصیرؔ اپنی اُمیدیں بھی ہیں اُس کوچے سے وابستہ
کہ جس کُوچے کے بے زر، وقت کے بُوذر ؓ نکلتے ہیں
Naseer apni umeedein bhi hain us kooche se waabasta
Ke jis kooche ke be zar, waqt ke Buzar R.A. nikalte hain
Share This Naat
Share with friends and family
جو اہلِ دل ہیں، کیفیت سے کب باہَر نکلتے ہیں
سید نصیرالدیں نصیر