مدینہ خلدِ ثانی چاہتے ہیں
فضا ہم بھی سہانی چاہتے ہیں
Madina khuld-e-sani chahtay hain
Fiza hum bhi sahani chahtay hain
یہاں سے جانبِ شہرِ پیمبر
ہم اب نقلِ مکانی چاہتے ہیں
Yehaan se janib-e-shehr-e-paighambar
Hum ab naqal-e-makani chahtay hain
بنا کر کوچۂ آقاؐ میں مسکن
مثالی زندگانی چاہتے ہیں
Bana kar koocha-e-Aqa (SAW) mein maskan
Misali zindgani chahtay hain
دیارِ مصطفیٰؐ میں مر کے ہم بھی
حیاتِ جاودانی چاہتے ہیں
Diyar-e-Mustafa (SAW) mein mar ke hum bhi
Hayat-e-javedani chahtay hain
غلامانِ نبیؐ عشقِ نبیؐ کی
دلوں میں ضوفشانی چاہتے ہیں
Ghulaman-e-Nabi (SAW) ishq-e-Nabi (SAW) ki
Dilon mein zau-fashani chahtay hain
وہ آجائیں غلامیِ نبیؐ میں
جو دل کی شادمانی چاہتے ہیں
Wo ajayein ghulami-e-Nabi (SAW) mein
Jo dil ki shadmani chahtay hain
نبیؐ کی چشمِ رحمت اور یا رب
تری ہم مہربانی چاہتے ہیں
Nabi (SAW) ki chashm-e-rehmat aur ya Rab
Teri hum mehrbani chahtay hain
بچا لے لاج بندوں کی خدایا
عدو ایذا رسانی چاہتے ہیں
Bacha le laaj bandon ki Khudaya
Adu eza rasani chahtay hain
مدینے کے گدا ہم بن کے احسؔن
فرازِ آسمانی چاہتے ہیں
Madine ke gada hum ban ke Ahsan
Faraz-e-Aasmani chahtay hain
Share This Naat
Share with friends and family
مدینہ خلدِ ثانی چاہتے ہیں
احسن اعظمی