ؓماں کے حیدر، باپ کے زید ، اور مُحمدؐ کے علی
ؓتیری ہستی خامئہ قُدرت کا شہکارِ جلی
Ma ke Haider, baap ke Zaid, aur Muhammadؐ ke Ali
Teri hasti khamiyah qudrat ka shahkar-e-jali
میں بتاؤں خانہ کعبہ میں کیوں پَیدا ہُوا
بطنِ مادر میں ہی تُو توحید کا شَیدا ہُوا
Main bataun Khanah Ka'bah mein kyun paida hua
Batn-e-madar mein hi tu tauheed ka shaida hua
تیراہر لمحہ رہا شاہِ رُسل کے سائے میں !
جِس طرح خُوشبُو چَڑھے پروان گل کے سائے میں
Tera har lamha raha Shah-e-Rusal ke saaye mein!
Jis tarah khushbu charhey parwan gul ke saaye mein
ساتھ رکھتے تھے مِرے آقا محاذوں پر تجھے
کیوں نہ مانوں قوّتِ بازو ئے پیغمبر تجھے
Saath rakhte the meray aaqa mahazon par tujhe
Kyun na manoun quwat-e-bazu e Paighambar tujhe
ناز ہر میداں کو تھا تیری ادائے حَرب پر
سینکڑوں سجدے فِدا تلوار کی اِک ضرب پر
Naaz har maidan ko tha teri adaaye harb par
Seenkrhon sajde fida talwar ki ik zarb par
مَعرفت کا گھر تِرا دِل ، مسکنِ حکمت دماغ
ہاتھ میں اِسلام کے ، تیری بصیرت کے چراغ
Ma'rifat ka ghar tera dil, maskan-e-hikmat dimaagh
Haath mein Islam ke, teri baseerat ke chiraagh
ایک منزل کے مسافر، صُوفیوں کے سلسلے
سب جُدا رستوں پہ نِکلے سب ہی تُجھ سے جا ملے
Ek manzil ke musafir, sufioun ke silsile
Sab juda raston pe nikle sab hi tujh se ja mile
تیری چو کھٹ پر زمانے بھر کے اَن داتا گِریں
تُو ہے وہ گہرا سمندر جس میں سب دریا گِریں
Teri chaukhat par zamane bhar ke an daata girain
Tu hai woh gehra samandar jis mein sab darya girain
تیرے قاتل کی عداوت اپنے ہاتھوں مر گئی
حشر تک زندہ تجھے تیری شہادت کر گئی
Tere qaatil ki adawat apne haathoun mar gayi
Hashr tak zinda tujhe teri shahadat kar gayi
Share This Naat
Share with friends and family
ؓماں کے حیدر، باپ کےزید اور محمدﷺ کے علی
مظفر وارثی