لذّتِ عشق ہے کیا پوچھیے پروانے سے
یا مرے پاک نبیؐ کے کسی دیوانے سے
Lazzat-e-ishq hai kya poochhiye parwane se
Ya mere paak Nabiؐ ke kisi deewane se
لاکھ سجدوں کی قضا حسنِ ادا میں بدلے
انؐ کی دہلیز پہ اک سجدہ بجا لانے سے
Laakh sajdon ki qaza husn-e-ada mein badle
Unؐ ki dehleez pe ik sajda baja lane se
در عطائوں کے خدا کتنے ہی وا کرتا ہے
لب پہ سرکارؐ کی اک نعت کے مہکانے سے
Dar ataaon ke Khuda kitne hi wa karta hai
Lab pe Sarkarؐ ki ik naat ke mehakane se
باغِ وحدت کے سبھی پھول کھلا کرتے ہیں
ذکرِ سرکارِؐ دو عالم ہی کے پھیلانے سے
Bagh-e-wahdat ke sabhi phool khila karte hain
Zikr-e-Sarkarؐ do aalem hi ke phailane se
مل گیا فنِ بلاغت میں، فصاحت میں کمال
شانِ احمدؐ کا بیاں لب پہ ذرا لانے سے
Mil gaya fan-e-balaaghat mein, fasahat mein kamaal
Shaan-e-Ahmadؐ ka bayaan lab pe zara lane se
حبِّ احمدؐ ہے مرے دل میں تو پھر ڈر کیسا
سرِ محشر سوئے میزان مجھے جانے سے
Hubb-e-Ahmadؐ hai mere dil mein to phir darr kaisa
Sar-e-mahshar soye mizaan mujhe jaane se
جلوۂ ساقیِ کوثر سے مٹیں سب پیاسیں
اب غرض مجھ کو صراحی سے نہ پیمانے سے
Jalwah-e-saqi-e-kosar se mitein sab pyaasein
Ab gharaz mujh ko suraahi se na paimane se
میری مینائے سخن گنبدِ خضرا طاہرؔ
کیا مجھے کام ہو اب دہر کے میخانے سے
Meri maina-e-sukhan gunbad-e-khazra Taahirؔ
Kya mujhe kaam ho ab dehr ke maikhane se
Share This Naat
Share with friends and family
لذّتِ عشق ہے کیا پوچھیے پروانے سے
پروفیسر محمد طاہر صدیقی