ہر اک منظر ہے دل آویز خوشبو ہے ہواؤں میں
بہاریں رقص کرتی ہیں مدینے کی فضاؤں میں
Har ak manzar hai dil aavez khushbu hai havaon mein
Baharen raqs karti hain Madine ki fizaon mein
وفاؤں کا تقاضا ہے دیارِ رنگ و نکہت میں
چلو اتنا کہ چل کر آبلے پڑ جائیں پاؤں میں
Wafaon ka taqaza hai dayar-e-rang o nikkhat mein
Chalo itna ke chal kar aablay parr jayein paaon mein
عجب دہلیز ہے، دہلیز سرکارِ دو عالم کی
وہاں ملتے ہیں تخت و تاج والے بھی گداؤں میں
Ajab dehleez hai, dehleez Sarkar-e-Do Alam ki
Wahan milte hain takht o taaj wale bhi gadaon mein
انہیں دیکھو تو آنکھیں یہ کہیں بس دیکھتے جاؤ
عجب ہے حسن اس در کے غلاموں کی اداؤں میں
Unhein dekho to aankhen ye kahin bas dekhte jao
Ajab hai husn is dar ke ghulamon ki adaon mein
چلا ہے جو حبیبِؐ کبریا کی راہ پر اختؔر
مکمل ہے وہ اپنے شوق میں اپنی وفاؤں میں
Chala hai jo Habib-e-Kibriya ki raah par Akhtar
Mukammal hai wo apne shauq mein apni wafaon mein
Share This Naat
Share with friends and family
ہر اک منظر ہے دل آویز خوشبو ہے ہواؤں میں
اختر لکھنوی