لختِ جگر ہے سب سے چہیتی ہے فاطمہ
میرے نبی کی لاڈلی بیٹی ہے فاطمہ
Lakht-e jigar hai sab se chehiti hai Fatimah
Mere nabi ki ladli beti hai Fatimah
عفت کرے ہے آپ کی تقدیس کا طواف
عصمت کنیز آپ کے در کی ہے فاطمہ
Iffat kare hai aap ki taqdees ka tawaaf
Ismat kaneez aap ke dar ki hai Fatimah
کرتے تھے جس کا خود مِرے آقا بھی احترام
کتنی بلند عظمتوں والی ہے فاطمہ
Karte the jis ka khud mere aaqa bhi ehteraam
Kitni buland azmaton wali hai Fatimah
سرکار کے لیے بھی ہے ایذا کا وہ سبب
جو شے اذیت آپ کو دیتی ہے فاطمہ
Sarkar ke liye bhi hai eza ka wo sabab
Jo shai aziyat aap ko deti hai Fatimah
جس کے بدن پہ چادرِ تطہیر کا غلاف
آقائے دو جہاں کی وہ بیٹی ہے فاطمہ
Jis ke badan pe chadar-e tathir ka ghilaaf
Aaqaye do jahan ki wo beti hai Fatimah
دلوائیے گا حشر میں بابا حضور سے
جنت ہمیں بھی عرض ہماری ہے فاطمہ
Dilwaaiye ga hashr mein baba huzoor se
Jannat humein bhi arz hamari hai Fatimah
گرچہ شفیقؔ عاصی و کمتر ہے بے عمل
نسبت تمہاری آل کی کافی ہے فاطمہ
Garche Shafiq aasi o kamtar hai be amal
Nisbat tumhari aal ki kafi hai Fatimah
Share This Naat
Share with friends and family
لختِ جگر ہے سب سے چہیتی ہے فاطمہ
شفیق ؔ رائے پوری