لج پال نبی کملی والا من ٹھار وی اے غم خوار وی اے
اللہ دے خزانیاں دا سوہنا مالک وی اے مختار وی اے
Lajpal Nabi kamli wala man thar vi ae gham khwar vi ae
Allah de khazaniya da sohna malik vi ae mukhtar vi ae
کہدے نال مثال دیاں اوہدی اوہدی مثل مثال نہیں کوئی وی
سوہناں سوہنیاں دی سرکار وی اے جیہدا کوئی نیں اوہدا یار وی اے
Kehde nal misal diyan ohdi ohdi misl misal nahi koi vi
Sohnan sohaniyan di sarkar vi ae jehda koi ne ohda yar vi ae
اوہدی دو جگ تے مختاری اے اوہدی نال غریباں یاری اے
اللہ دا اوہ محبوب وی اے نالے نبیاں دا سردار وی اے
Ohdi do jag te mukhtari ae ohdi nal gharibaan yari ae
Allah da oh mahboob vi ae nale nabiyan da sardar vi ae
دم عشق دا جیہڑے بھردے نے دکھ سہہ کے سی نہ کر دے نے
محبوب دے عشق دا دم بھرنا آسان وی اے دشوار وی اے
Dam ishq da jehre bharde ne dukh seh ke si na kar de ne
Mahboob de ishq da dam bharna aasaan vi ae dushwar vi ae
نالے حشر دا شافع من دے نے نالے آکھن کچھ نہیں کر سکدا
ذرا دیکھو عقل بے عقلاں دی اقرار وی اے انکار وی اے
Nale hashar da shafi man de ne nale aakhan kuch nahi kar sakda
Zara dekho aqal be aqlan di iqrar vi ae inkar vi ae
سوہنے دا فرش تے ڈیرا اے نالے عرش اُتے وی پھیرا اے
میرا ایمان ہے اس گل تے اوہ آر وی اے اوہ پار وی اے
Sohne da farsh te dera ae nale arsh ute vi phera ae
Mera imaan hai is gal te oh aar vi ae oh paar vi ae
ساڈا سوہناں نبی مکی مدنی اوہدے جیڈ نہ لوکو کوئی وی
کتے ٹریا جاوے یاراں وچہ کتے رفرف تے اسوار وی اے
Saada sohnan Nabi makki madni ohde jeed na loko koi vi
Kite triya jaave yaran wiech kite rafraf te aswaar vi ae
اوہدے در دیاں یار کی باتاں نے اوتھے نور دیاں برساتاں نے
اوتھے ملن مراداں منگتیاں نوں اوہ ایسا سخی دربار وی اے
Ohde dar diyan yar ki batan ne othe noor diyan barsatan ne
Othe miln muradan mangtiyan nu oh aisa sakhi darbar vi ae
ایویں نہ نیازی نوں کوئی پیا مہنے مارے عملاں دے
منیاں اوہ او گنہار وی اے پر اوہدا آقا بخشنہار وی اے
Aiven na Niazi nu koi piya mahnay maare amlan de
Manniyan oh o gunahar vi ae par ohda aaqa bakhshnhar vi ae
اللہ دیا سوہنیاں محبوبا کر کرم غریب نیازی تے
تیرے نام اتوں بلہار وی اے تیری آل دا خدمت گار وی اے
Allah diya sohnian mahbooba kar karam gharib Niazi te
Tere naam uton balhaar vi ae teri aal da khidmatgar vi ae
Share This Naat
Share with friends and family
لج پال نبی کملی والا من ٹھار وی اے غم خوار وی اے
عبدالستار نیازی