naat
لفظِ سکون میں بھی کہاں اس قدر سکوں
لفظِ سکون میں بھی کہاں اس قدر سکوں
جتنا حضور آپ کے دربار پر سکوں
Lafz-e-sukoon mein bhi kahaan is qadar sukoon
Jitna Huzoor aap ke darbaar par sukoon
ہر چیز مصطفٰی کا مدینہ تو ہے نہیں
دل میں جگہ بنا لے تو پھر عمر بھر سکوں
Har cheez Mustafa ka Medina to hai nahin
Dil mein jagah bana le to phir umar bhar sukoon
سمجھا نہیں ہے عظمتِ دربارِ مصطفٰی
ڈھونڈے فقیرِ طیبہ اگر دربدر سکوں
Samjha nahin hai azmat-e-darbaar-e-Mustafa
Dhoonde faqeer-e-Tayba agar darbadar sukoon
دنیائے مضطرب کو کوئی تو شعور دو
ہیں جس طرف حضور ملے گا اُدھر سکوں
Dunya-e-muztarib ko koi to sha'oor do
Hain jis taraf Huzoor mile ga udhar sukoon
پھر یوں ہوا کہ گنبدِ خضرٰی پہ جا پڑی
کرتے ہوئے تلاش ہماری نظر سکوں
Phir yun hua ke Gunbad-e-Khazra pe ja pari
Karte hue talash hamari nazar sukoon
پھر پھر کے ڈھونڈتا ہے غلامانِ یار کو
رہتا ہے کائنات میں محوِ سفر سکوں
Phir phir ke dhoondta hai ghulaman-e-Yaar ko
Rehta hai kaaynaat mein mehve safar sukoon
جب سے تبسم اُن کی ثناء بولنے لگا
رہتا ہے اِس کے دل سے بہت باخبر سکوں
Jab se tabassum un ki sana bolne laga
Rehta hai is ke dil se bohot ba-khabar sukoon
Share This Naat
Share with friends and family
لفظِ سکون میں بھی کہاں اس قدر سکوں
حافظ محمد ابوبکر تبسمؔ