لبِ گویا کو وہ معراج عطا ہو یا رب
اُنؐ کی تعریف کروں تیری ثنا ہو یا رب
Lab-e-goya ko wo ma'raj ata ho ya Rab
Unؐ ki tareef karun teri sana ho ya Rab
جن کی توصیف پہ شاہد ہے ترا اپنا کلام
اُنؐ کی توصیف کا حق مجھ سے ادا ہو یا رب!
Jin ki tauseef pe shahid hai tera apna kalam
Unؐ ki tauseef ka haq mujh se ada ho ya Rab!
بیخودی میں وہ نہ کہہ دوں جو نہیں کہنا ہے
شوق کو حفظِ مراتب کا پتہ ہو یا رب
Bekhudi mein wo na keh dun jo nahi kehna hai
Shoq ko hifz-e-marateb ka pata ho ya Rab
نسبتِ خاص تو حاصل ہے کرم سے تیرے
ہم کو آقاؐ کی محبّت بھی عطا ہو یا رب
Nisbat-e-khas to hasil hai karam se tere
Hum ko Aqaؐ ki mohabbat bhi ata ho ya Rab
تُجھ کو جب سجدہ کروں اے مرے تنہا معبود
اُنؐ کا ہی نقشِ جبیں قبلہ نما ہو یا رب
Tujh ko jab sajda karun ae mere tanha mabood
Unؐ ka hi naqsh-e-jabeen qibla numa ho ya Rab
یاد آتے ہیں معاصی تو لرز اٹھتا ہوں
وہ شفاعت پہ نہ راضی ہوں تو کیا ہو یا رب
Yaad aate hain ma'asi to laraz uthta hun
Wo shafaat pe na razi hon to kya ho ya Rab
اک تمنّا ہے جسے تیرا کرم ہے درکار
جس سے تو خوش ہے وہ مُجھ سے نہ خفا ہو یا رب
Ek tamanna hai jise tera karam hai darkaar
Jis se tu khush hai wo mujhe na khafa ho ya Rab
Share This Naat
Share with friends and family
لبِ گویا کو وہ معراج عطا ہو یا رب
حنیف اسعدی