کیا ٹھیک ہو رُخِ نبوی پر مثالِ گل
پامال جلوۂ کفِ پا ہے جمَالِ گل
Kya theek ho rukh-e-nabvi par misal-e-gul
Paamaal jalwa-e-kaf-e-paa hai jamaal-e-gul
جنّت ہے ان کے جلوہ سے جویائے رنگ و بُو
اے گل ہمارے گل سے ہے گل کو سوالِ گل
Jannat hai un ke jalwa se joya-e-rang o boo
Ae gul hamare gul se hai gul ko sawaal-e-gul
اُن کے قدم سے سلعۂ غالی ہوئی جِناں
واللہ میرے گل سے ہے جاہ و جلالِ گل
Un ke qadam se sil'a-e-ghaali hui jinaan
Wallah mere gul se hai jaah o jalaal-e-gul
سُنتا ہوں عشقِ شاہ میں دِل ہو گا خُوں فشاں
یاربّ یہ مُژْدَہ سچ ہو مبارک ہو فالِ گل
Sunta hoon ishq-e-shah mein dil ho ga khoon fishan
Yarab ye mujda sach ho mubarak ho f aal-e-gul
بُلبل حرم کو چل غمِ فَانی سے فائدہ
کب تک کہے گی ہائے وہ غنج و دَلالِ گل
Bulbul haram ko chal gham-e-faani se faida
Kab tak kahegi haaye wo ghanj o dalaal-e-gul
غمگیں ہے شوقِ غازَۂ خاکِ مَدینہ میں
شبنم سے دھل سکے گی نہ گردِ ملال گل
Ghamgeen hai shauq-e-ghazah-e-khaak-e-madina mein
Shabnam se dhul sake gi na gard-e-malaal-e-gul
بلبل یہ کیا کہا میں کہاں فَصْلِ گل کہاں
اُمید رکھ کہ عام ہے جود و نوالِ گل
Bulbul ye kya kaha main kahan fasl-e-gul kahan
Umeed rakh ke aam hai jood o nawal-e-gul
بلبل! گِھرا ہے ابر ولا مژدَہ ہو کہ اب
گِرتی ہے آشیانہ پہ بَرقِ جمالِ گل
Bulbul! ghira hai abr wala mujda ho ke ab
Gir'ti hai aashiyana pe barq-e-jamaal-e-gul
یاربّ ہرا بھرا رہے داغِ جگر کا باغ
ہر مہ مہِ بہَار ہو ہر سال سالِ گل
Yarab hara bhara rahe daagh-e-jigar ka bagh
Har mah mah-e-bahar ho har saal saal-e-gul
رنگِ مژہ سے کر کے خَجِل یادِ شاہ میں
کھینچا ہے ہم نے کانٹوں پہ عطرِ جمالِ گل
Rang-e-musha se kar ke khajil yaad-e-shah mein
Kheenchha hai hum ne kaanton pe itr-e-jamaal-e-gul
میں یادِ شہ میں رووں عنادِل کریں ہجوم
ہر اشک لالہ فام پہ ہو احتمالِ گل
Main yaad-e-shah mein rowoon anaadil karein hujum
Har ashk laala faam pe ho ehtimaal-e-gul
ہیں عکسِ چہرہ سے لبِ گلگوں میں سُرخیاں
ڈُوبا ہے بدرِ گل سے شَفَق میں ہلالِ گل
Hain aks-e-chehra se lab-e-gulgoon mein surkhiyan
Dooba hai badr-e-gul se shafaq mein hilaal-e-gul
نعتِ حضور میں مُتَرَنّم ہے عندلیب
شاخوں کے جُھومنے سے عیاں وجد و حالِ گل
Naat-e-huzoor mein mutarannum hai andaleeb
Shaakhon ke jhoomne se ayaan wajd o haal-e-gul
بلبل گلِ مدینہ ہمیشہ بہار ہے
دو دن کی ہے بہار فنا ہے مآلِ گل
Bulbul gul-e-madina hamesha bahar hai
Do din ki hai bahar fanaa hai ma'al-e-gul
شیخین اِدھر نثار، غنی و علی اُدھر
غُنچہ ہے بلبُلوں کا یمین و شمالِ گل
Shekhen idhar nisaar, ghani o ali udhar
Ghuncha hai bulbulon ka yameen o shimaal-e-gul
چاہے خدا تو پائیں گے عشقِ نبی میں خلد
نِکلی ہے نامۂ دلِ پُرخوں میں فالِ گل
Chahe khuda to payenge ishq-e-nabi mein khuld
Nikli hai nama-e-dil-e-purkhon mein f aal-e-gul
کر اُس کی یاد جس سے ملے چین عندلیب
دیکھا نہیں کہ خارِ اَلم ہے خیالِ گل
Kar us ki yaad jis se mile chain andaleeb
Dekha nahin ke khaar-e-alam hai khayal-e-gul
دیکھا تھا خوابِ خارِ حرم عندلیب نے
کھٹکا کیا ہے آنکھ میں شب بھر خیالِ گل
Dekha tha khwab-e-khaar-e-haram andaleeb ne
Khatka kya hai aankh mein shab bhar khayal-e-gul
اُن دو کا صدقہ جن کو کہا میرے پُھول ہیں
کیجے رضاؔ کو حشر میں خنداں مِثالِ گل
Un do ka sadqa jin ko kaha mere phool hain
Kije raza ko hashr mein khandaa misal-e-gul
Share This Naat
Share with friends and family
کیا ٹھیک ہو رُخِ نبوی پر مثالِ گل
احمد رضا خان بریلوی