کیا مژدۂ جاں بخش سنائے گا قلم آج
کاغذ پہ جو سو ناز سے رکھتا ہے قدم آج
Kya mujda-e-jaan bakhsh sunaye ga qalam aaj
Kaghaz pe jo so naaz se rakhta hai qadam aaj
آمد ہے یہ کس بادشہِ عرش مکاں کی
آتے ہیں فلک سے جو حسینانِ اِرَم آج
Aamad hai ye kis badshah-e-arsh makaan ki
Aate hain falak se jo haseenan-e-Iram aaj
کس گل کی ہے آمد کہ خزاں دِیدہ چمن میں
آتا ہے نظر نقشۂ گلزارِ اِرَم آج
Kis gul ki hai aamad ke khazan deeda chaman mein
Aata hai nazar naqsha-e-gulzar-e-Iram aaj
نذرانہ میں سر دینے کو حاضر ہے زمانہ
اس بزم میں کس شاہ کے آتے ہیں قدم آج
Nazrana mein sar dene ko haazir hai zamana
Is bazm mein kis shah ke aate hain qadam aaj
بادَل سے جو رحمت کے سرِ شام گھرے ہیں
برسے گا مگر صبح کو بارانِ کرم آج
Badal se jo rehmat ke sar-e-shaam ghire hain
Barse ga magar subah ko baran-e-karam aaj
کس چاند کی پھیلی ہے ضیا کیا یہ سماں ہے
ہر بام پہ ہے جلوہ نما نورِ قدم آج
Kis chaand ki phaili hai zia kya ye samaa hai
Har baam pe hai jalwa numa noor-e-qadam aaj
کھلتا نہیں کس جانِ مسیحا کی ہے آمد
بت بولتے ہیں قالبِ بے جاں میں ہے دَم آج
Khulta nahi kis jaan-e-maseeha ki hai aamad
But bolte hain qaalib-e-be jaan mein hai dam aaj
بت خانوں میں وہ قہر کا کہرام پڑا ہے
مل مل کے گلے روتے ہیں کفار و صنم آج
But khanon mein wo qahr ka kehraam pada hai
Mil mil ke gale rote hain kafaar o sanam aaj
کعبہ کا ہے نغمہ کہ ہوا لوث سے میں پاک
بت نکلے کہ آئے مِرے مالک کے قدم آج
Kaaba ka hai naghma ke hua loath se mein paak
But nikle ke aaye mire maalak ke qadam aaj
تسلیم میں سر وجد میں دل منتظر آنکھیں
کس پھول کے مشتاق ہیں مرغانِ حرم آج
Tasleem mein sar wajd mein dil muntazir aankhen
Kis phool ke mushtaaq hain murghan-e-haram aaj
اے کفر جھکا سر وہ شہ بت شکن آیا
گردن ہے تیری دَم میں تہ تیغ دو دَم آج
Ae kufr jhuka sar wo shah but shikan aaya
Gardn hai teri dam mein tah tegh do dam aaj
کچھ رعبِ شہنشاہ ہے کچھ ولولۂ شوق
ہے طرفہ کشاکش میں دلِ بیت و حرم آج
Kuch raab-e-shahenshah hai kuch walwala-e-shauq
Hai tirafta kashaakash mein dil-e-bait o haram aaj
پرنور جو ظلمت کدۂ دہر ہوا ہے
روشن ہے کہ آتا ہے وہ مہتابِ کرم آج
Purnoor jo zulmat kada-e-dehar hua hai
Roshan hai ke aata hai wo mehtab-e-karam aaj
ظاہر ہے کہ سلطانِ دو عالم کی ہے آمد
کعبہ پہ ہوا نصب جو یہ سبز علم آج
Zaahir hai ke Sultan-e-do aalam ki hai aamad
Kaaba pe hua nasab jo ye sabz alam aaj
گر عالم ہستی میں وہ مہ جلوہ فگن ہے
تو سایہ کے جلوہ پہ فدا اَہل عدم آج
Gar aalam-e-hasti mein wo meh jalwa fagan hai
To saaya ke jalwa pe fidda ahl-e-adam aaj
ہاں مفلسو خوش ہو کہ مِلا دامن دولت
تردامنو مژدہ وہ اُٹھا اَبرِ کرم آج
Haan mufliso khush ho ke mila daaman-e-dolat
Tardamno mujda wo utha abr-e-karam aaj
تعظیم کو اُٹھے ہیں مَلک تم بھی کھڑے ہو
پیدا ہوئے سلطانِ عرب شاہِ عجم آج
Tazeem ko uthe hain malak tum bhi khade ho
Paida hue Sultan-e-arab shah-e-ajam aaj
کل نارِ جہنم سے حسنؔ اَمن و اَماں ہو
اس مالک ِفردوس پہ صدقے ہوں جو ہم آج
Kal naar-e-jahannum se Hasan amn o amaan ho
Is maalak-e-firdous pe sadqe hon jo hum aaj
Share This Naat
Share with friends and family
کیا مژدۂ جاں بخش سنائے گا قلم آج
حسن رضا خان