کفر نے رات کا ماحول بنا رَکھَّا ہے
میرے سینے میں محمدؐ کا دِیا رَکھَّا ہے
Kufr ne raat ka mahol bana rakkha hai
Mere seenay mein Muhammadؐ ka diya rakkha hai
وہ جو مل جائے تو بے شک مجھے جنت نہ ملے
عشق کو اَجر کے لالچ سے بچا رَکھَّا ہے
Woh jo mil jaye to beshak mujhe jannat na mile
Ishq ko ajr ke lalach se bacha rakkha hai
خواب میں وہ نظر آئے تو پھر آنکھیں نہ کھلیں
میں نے مدت سے یہ منصوبہ بنا رَکھَّا ہے
Khawab mein woh nazar aaye to phir aankhein na khulain
Mein ne muddat se yeh mansooba bana rakkha hai
کوئی گمراہ ہو ‘ دَر ماندہ ہو یا مفلس ہو
اُس نے سب کے لیے دروازہ کھلا رَکھَّا ہے
Koi gumrah ho, dar manda ho ya muflis ho
Us ne sab ke liye darwaza khula rakkha hai
اُس کی مِدحَت میں فرشتے ہیں ہم آواز مرے
عرش سے اُس نے مرا فرش ملا رَکھَّا ہے
Us ki midhat mein farishte hain hum awaaz mere
Arsh se us ne mera farsh mila rakkha hai
و ہ مِلا ہے تو طلب مٹ گئی ہر نعمت کی
طاق پر اب تو مرا دَستِ دُعا رَکھَّا ہے
Woh mila hai to talab mit gayi har ni'mat ki
Taaq par ab to mera dast-e-dua rakkha hai
قُرب حاصل ہو جو اُس ذاتِ گرامی کا ندیم ؔ
یو ں سمجھ لو کہ وہیں قُربِ خدا رَکھَّا ہے
Qurb haasil ho jo us zaat-e-grami ka Nadeemؔ
Yun samajh lo ke wahin qurb-e-Khuda rakkha hai
Share This Naat
Share with friends and family
کفر نے رات کا ماحول بنا رَکھَّا ہے
احمد ندیم قاسمی