کچھ سجدے مدینے کے لئے کیوں نہ بچا لیں
اس ارضِ مقدس کو جبینوں میں بسا لیں
Kuch sajde madine ke liye kyon na bacha lein
Is arz-e-muqaddas ko jabinon mein basa lein
قسمت سے میسر ہو اگر خاک مدینہ
اس خاک کے ہر ذرّے کو پلکوں سے اٹھا لیں
Qismat se mayassar ho agar khak-e-madina
Is khak ke har zarre ko palkon se utha lein
کانٹے بھی نظر آئیں اگر دشتِ حر م کے
ان کانٹوں کو پھولوں کی طرح گھر میں سجالیں
Kante bhi nazar aayein agar dasht-e-haram ke
Un kanton ko phoolon ki tarah ghar mein saja lein
اب میرے گناہوں کو اماں اور کہاں ہے ؟
آقاﷺ انہیں آ پ اپنے ہی دامن میں چھپا لیں
Ab mere gunaahon ko amaan aur kahan hai?
Aaqa ﷺ inhein aap apne hi daaman mein chhupa lein
گزریں جو ادھر سے کبھی طیبہ کی ہوائیں
ہر سانس کو ہم زندہ جاوید بنالیں
Guzrein jo udhar se kabhi Taiba ki hawaaein
Har saans ko hum zinda jaaved bana lein
اقبؔال کا دنیا میں کوئی اور نہیں ہے
ممکن ہے یہی سوچ کے سرکار ﷺ بلا لیں
Iqbal ka duniya mein koi aur nahin hai
Mumkin hai yahi soch ke Sarkar ﷺ bula lein
Share This Naat
Share with friends and family
کچھ سجدے مدینے کے لئے کیوں نہ بچا لیں
پروفیسراقبال عظیم