کوئی مقام نہیں ہے درِ نبیؐ کی طرح
جو حاضری کی سعادت ہو حاضری کی طرح
Koi maqam nahi hai dar-e-nabiؐ ki tarah
Jo hazri ki sa'adat ho hazri ki tarah
یہ اور بات کہ ہم ان کو دیکھ ہی نہ سکیں
وہ ساتھ ساتھ ہیں آنکھوں کے نور ہی کی طرح
Ye aur baat ke hum unko dekh hi na sakain
Wo saath saath hain aankhon ke noor hi ki tarah
مسیح بن کے ہر اک غم شبِ فراق آیا
تمہاری یاد بھی آئی تو زندگی کی طرح
Masih ban ke har ek gham shab-e-firaaq aya
Tumhari yaad bhi aayi to zindagi ki tarah
جوان کے ہیں انہیں منزل تلاش کرتی ہے
نہیں جو ان کے ہیں آوارہ اجنبی کی طرح
Jin unke hain unhe manzil talash karti hai
Nahi jo unke hain awara ajnabi ki tarah
نہ دیکھا چشم ِ فلک نے کوئی کریم ایسا
جو مہرباں ہو عدو پر مرے نبی ؐ کی طرح
Na dekha chashm-e-flak ne koi karim aisa
Jo mehrban ho adu par mere nabiؐ ki tarah
کسی مقام سے دیکھو کسی طرح دیکھو
وہ ہر جگہ سے ہیں نزدیک روشنی کی طرح
Kisi maqam se dekho kisi tarah dekho
Wo har jagah se hain nazdeek roshni ki tarah
انہیں کے لطف و کرم نے ہمیں سنبھال لیا
اگر گرے بھی سرِ راہ بے بسی کی طرح
Unhi ke lutf-o-karam ne hume sambhal liya
Agar gire bhi sar-e-rah bebasi ki tarah
غرورِ زہد و عبادت کو یہ نہیں معلوم
کوئی عمل نہیں مقبول عاجزی کی طرح
Ghuroor-e-zohd o ibadat ko ye nahi maloom
Koi amal nahi maqbool aajzi ki tarah
نقاب اٹھاؤ دکھا دو تجلیاں اپنی
یہ رات ہجر کی چھٹ جائے تیر گی کی طرح
Niqab uthao dikha do tajaliyyaan apni
Ye raat hijr ki chhat jaye teer ki tarah
شرابِ عشق سے بڑھتی ہے تشنگی میری
نہیں سیر کوئی میری تشنگی کی طرح
Sharab-e-ishq se badhti hai tishnagi meri
Nahi ser koi meri tishnagi ki tarah
مقامِ سرورِ عالمؐ خدا ک ہے معلوم
کھڑے ہیں سدرہ پہ جبریل حیرتی کی طرح
Maqam-e-sarwar-e-alamؐ khuda ka hai maloom
Khade hain sidra pe Jibrail hairati ki tarah
نہ تھا نہ ہے نہ کبھی ہو گا کوئی ایسا کریم
سنبھال لے جو تری بندہ پر وری کی طرح
Na tha na hai na kabhi ho ga koi aisa karim
Sambhal le jo teri banda parwari ki tarah
وہ نام ہی تو بہار جہاں کا ضامن ہے
جو نام ہوتا ہے محسوس تازگی کی طرح
Wo naam hi to bahar-e-jahan ka zamin hai
Jo naam hota hai mehsoos tazgi ki tarah
خدا کا ذکر بھی ذکرِ رسولؐ ہے خالدؔ
شعارِ نعت ہمارا ہے بندگی کی طرح
Khuda ka zikr bhi zikr-e-rasoolؐ hai Khalid
Shi'ar-e-naat hamara hai bandagi ki tarah
Share This Naat
Share with friends and family
کوئی مقام نہیں ہے درِ نبیؐ کی طرح
خالد محمود خالد