نطق میرا سعدی و جامی سے ہم آہنگ ہو
گفتگو میں مدحتِ خیر الوریٰ کا رنگ ہو
Nutq mera Saadi o Jaami se hum aahang ho
Guftagu mein madhat-e-Khair ul Wara ka rang ho
الفتِ سرکارِ بطحا ہو رگِ جاں میں رواں
مست عشقِ مصطفیٰ میں میرا ہر اک انگ ہو
Ulfat-e-Sarkar-e-Bat-ha ho rag-e-jaan mein rawan
Mast ishq-e-Mustafa mein mera har ik ang ho
پیروی شاہِ مدینہ کی ہو میرا مشغلہ
ہر گھڑی مدِ نظر جانِ جہاں کا ڈھنگ ہو
Pairwi Shah-e-Madina ki ho mera mashghla
Har ghari mad-e-nazar jaan-e-jahan ka d-hang ho
دوستی ہو آپ کے در کے غلاموں سے مری
آپ کے گستاخ سے میری ہمیشہ جنگ ہو
Dosti ho aap ke dar ke ghulamon se meri
Aap ke gustaakh se meri hamesha jang ho
جس کے دل میں دُھن سمائی ہو شہِ کونین کی
غیر ممکن ہے کہ اس کے دل پہ کوئی زنگ ہو
Jis ke dil mein dhun samaai ho Shah-e-Kawnain ki
Ghair mumkin hai ke us ke dil pe koi zang ho
میں بھکاری تاجدارِ دو جہاں کے در کا ہوں
مانگتا ہوں آپ سے جب ہاتھ میرا تنگ ہو
Mein bhikhari Tajdar-e-do Jahan ke dar ka hoon
Mangta hoon aap se jab haath mera tang ho
عرش کو چھو لے مری تقدیر کا تارا، اگر
حشر میں اشفاقؔ شاہِ انبیاء کے سنگ ہو
Arsh ko chho le meri taqdeer ka tara, agar
Hashr mein Ashfaq Shah-e-Anbiya ke sang ho
Share This Naat
Share with friends and family
نطق میرا سعدی و جامی سے ہم آہنگ ہو
اشفاق احمد غوری