کوئی مدہوش ہوجائے کوئی ہشیار ہوجائے
وہی خوش بخت ہے جس پر نگاہِ یار ہوجائے
Koi madhosh ho jaye koi hoshiyaar ho jaye
Wohi khush bakht hai jis par nigah-e-yaar ho jaye
عجب اعجاز ہے پیرِ مغاں کے لب کی جنبش میں
وہ دیوانہ جسے کہہ دے وہی ہشیار ہوجائے
Ajab eijaaz hai peer-e-mughan ke lab ki junbish mein
Woh deewana jise keh de wohi hoshiyaar ho jaye
ہجومِ مے کشاں ساغر بکف ہے مے کدے والو
مرے ساقی سے یہ کہہ دو کہ اب دیدار ہوجائے
Hujoom-e-may kashaan saagar ba-kaf hai may kade waalo
Mere saaqi se yeh keh do ke ab didaar ho jaye
گرا دو جام مستو! آج کی شب اور بڑھو آگے
قدم بوسی پہ ساقی کی ذرا تکرار ہوجائے
Gira do jaam masto! Aaj ki shab aur barho aage
Qadam bosi pe saaqi ki zara takraar ho jaye
مبارک ہے گھڑی اے شیخ تو بھی جام اک پی لے
تری سوئی ہوئی تقدیر بھی بیدار ہوجائے
Mubarak hai ghadi ae sheikh tu bhi jaam ik pi le
Teri soyi hui taqdeer bhi bedaar ho jaye
نہ ساغر ہے نہ پیمانہ ہے اک دل وہ بھی دیوانہ
ظہوریؔ پر بھی اے ساقی نظر اک بار ہوجائے
Na saagar hai na paimana hai ik dil woh bhi deewana
Zahoori par bhi ae saaqi nazar ik baar ho jaye
Share This Naat
Share with friends and family
کوئی مدہوش ہوجائے کوئی ہشیار ہوجائے
محمد علی ظہوری