حاجیو! آؤ شہنشاہ کا رَوضہ دیکھو
کعبہ تو دیکھ چکے کعبَہ کا کعبَہ دیکھو
Hajiyo! Aao Shehenshah ka rauza dekho
Kaaba to dekh chuke, Kaaba ka Kaaba dekho
رُکنِ شامی سے مِٹی وحشت شامِ غربت
اب مَدینہ کو چلو صبحِ دِل آرا دیکھو
Rukn-e-Shami se miti, wehshat-e-shaam-e-ghurbat
Ab Madinah ko chalo, subah-e-dil aara dekho
آبِ زمزم تو پِیا خُوب بجھائیں پیاسیں
آؤ جُودِ شہِ کوثر کا بھی دریا دیکھو
Aab-e-Zamzam to piya, khoob bujhaayeen pyaasein
Aao jood-e-Shah-e-Kausar ka bhi darya dekho
زیرِ میزاب مِلے خوب کرم کے چھینٹے
ابرِ رحمت کا یہاں زور برسنا دیکھو
Zair-e-Meezaab mile khoob karam ke chheenṭe
Abr-e-Rehmat ka yahaan zor barasna dekho
دُھوم دیکھی ہے درِ کعبہ پہ بیتابوں کی
اُن کے مشتاقوں میں حسرت کا تڑپنا دیکھو
Dhoom dekhi hai dar-e-Kaaba pe betaabon ki
Un ke mushtaaqon mein hasrat ka taṛapna dekho
مِثلِ پروانہ پِھرا کرتے تھے جس شمع کے گِرد
اپنی اُس شمع کو پَروانہ یہاں کا دیکھو
Misl-e-Parwana phira karte the jis shama ke gird
Apni us shama ko parwana yahaan ka dekho
خُوب آنکھوں سے لگایا ہے غلافِ کعبہ
قصرِ محبوب کے پردے کا بھی جلوہ دیکھو
Khoob aankhon se lagaya hai ghilaaf-e-Kaaba
Qasr-e-Mahboob ke parde ka bhi jalwa dekho
واں مطیعوں کا جگر خوف سے پانی پایا
یاں سِیہ کاروں کا دامن پہ مچلنا دیکھو
Waan muti'on ka jigar khauf se paani paaya
Yaan siyah kaaron ka daaman pe machalna dekho
اوّلیں خانۂ حق کی تو ضِیائیں دیکھیں
آخریں بَیتِ نبی کا بھی تجلّا دیکھو
Awwalein Khanah-e-Haq ki to ziyaaen dekheen
Akhireen bait-e-Nabi ka bhi tajalla dekho
زِینتِ کعبہ میں تھا لاکھ عروسوں کا بناؤ
جلوہ فرما یہاں کونین کا دُولہا دیکھو
Zeenat-e-Kaaba mein tha laakh arooson ka banao
Jalwa farma yahaan konain ka dulha dekho
ایمنِ طُور کا تھا رُکنِ یمانی میں فروغ
شعلۂ طُور یہاں انجمن آرا دیکھو
Aiman-e-Toor ka tha Rukn-e-Yamani mein farogh
Shaula-e-Toor yahaan anjuman aara dekho
مہرِ مادر کا مزہ دیتی ہے آغوشِ حطیم
جن پہ ماں باپ فدا یاں کرم ان کا دیکھو
Mehr-e-maadar ka maza deti hai aaghosh-e-Hateem
Jin pe maan baap fida, yaan karam un ka dekho
عرضِ حاجت میں رہا کعبہ کفیل انجاح
آؤ اب داد رسیِ شہِ طیبہ دیکھو
Arz-e-Haajat mein raha Kaaba kafeel-e-injaah
Aao ab daad-rasi-e-Shah-e-Tayyiba dekho
دھو چکا ظلمتِ دل بوسۂ سنگِ اَسْوَد
خاک بوسیِ مدینہ کا بھی رُتبہ دیکھو
Dho chuka zulmat-e-dil bosa-e-Sang-e-Aswad
Khaak bosii-e-Madinah ka bhi rutba dekho
کر چکی رفعتِ کعبَہ پہ نظر پَروازیں
ٹوپی اب تھام کے خاکِ درِ والا دیکھو
Kar chuki ruf’at-e-Kaaba pe nazar parwaazen
Topi ab thaam ke khaak-e-dar-e-waala dekho
بے نیازی سے وہاں کانپتی پائی طاعت
جوشِ رحمت پہ یہاں ناز گنہ کا دیکھو
Be-niyaazi se wahaan kaanpti paayi ta’at
Josh-e-Rehmat pe yahaan naaz-e-gunah ka dekho
جمعۂ مکہ تھا عید اہلِ عبادت کے لئے
مجرمو! آؤ یہاں عید دوشنبہ دیکھو
Jummah-e-Makkah tha Eid ahl-e-ibaadat ke liye
Mujrimo! Aao yahaan Eid-e-Doshanba dekho
ملتزم سے تو گلے لگ کے نکالے ارماں
ادب و شوق کا یاں باہم اُلجھنا دیکھو
Multazim se to gale lag ke nikaale armaan
Adab-o-shauq ka yahaan baaham ulajhna dekho
خوب مسعٰے میں بامید صفا دوڑ لیے
رہِ جاناں کی صفا کا بھی تماشا دیکھو
Khoob Mas’aa mein ba-umeed-e-Safa daur liye
Rah-e-Janaan ki Safa ka bhi tamaasha dekho
رقصِ بِسمل کی بہاریں تو مِنٰی میں دیکھیں
دلِ خوننابہ فشاں کا بھی تڑپنا دیکھو
Raqs-e-bismil ki bahaaren to Mina mein dekheen
Dil-e-khoonnaaba fishaan ka bhi taṛapna dekho
غور سے سُن تو رضاؔ کعبہ سے آتی ہے صَدا
میری آنکھوں سے مِرے پیارے کا روضہ دیکھو
Ghaur se sun to Raza Kaaba se aati hai sadaa
Meri aankhon se mere pyaare ka rauza dekho
Share This Naat
Share with friends and family
حاجیو! آؤ شہنشاہ کا رَوضہ دیکھو
احمد رضا خان بریلوی