کیوں نہ ہوں میں قربانِ محمدؐ صلی اللہ علیہ وسلم
ہاتھ میں ہے دامانِ مُحمَّد صلی اللہ علیہ وسلم
Kyun na hun main qurban-e-Muhammad ﷺ
Hath mein hai daaman-e-Muhammad ﷺ
پھیلی ہوئی ہے ہر دوجہاں میں فرش ِ زمیں پر کون و مکاں میں
خوشبوئے بستانِ مُحمَّد صلی اللہ علیہ وسلم
Phaili hui hai har do-jahan mein farsh-e-zameen par kaun o makaan mein
Khushbu-e-bastaan-e-Muhammad ﷺ
حق نے عطا کی معراج ان کو بخشا شفاعت کا تاج ان کو
اللہ اللہ شانِ مُحمَّد صلی اللہ علیہ وسلم
Haq ne ata ki meraaj un ko bakhsha shafaat ka taaj un ko
Allah Allah shaan-e-Muhammad ﷺ
قدموں میں تھی گو ان کے شاہی پر وہ تھے مستِ عشقِ الٰہی
فقر رہا سامانِ مُحمَّد صلی اللہ علیہ وسلم
Qadmon mein thi go un ke shahi par woh the mast-e-ishq-e-Ilahi
Faqr raha saamaan-e-Muhammad ﷺ
کیوں ہے جہاں آئینہ ساماں کھِل نہ سکے گا قلب پریشاں
دل تو ہے حیرانِ مُحمَّد صلی اللہ علیہ وسلم
Kyun hai jahan aayina saamaan khil na sakay ga qalb-e-pareshaan
Dil to hai hairaan-e-Muhammad ﷺ
آؤ چلو طیبہ ہوآئیں اپنا مقدر چل کے بنائیں
بن جائیں مہمانِ مُحمَّد صلی اللہ علیہ وسلم
Aao chalo Tayba ho aain apna muqaddar chal ke banain
Ban jayein mehman-e-Muhammad ﷺ
دنیا کا ارمان کروں کیوں دنیا پر بہزادؔ مروں کیوں
کافی ہے ارمانِ مُحمَّد صلی اللہ علیہ وسلم
Duniya ka armaan karun kyun duniya par Behzad maro kyun
Kafi hai armaan-e-Muhammad ﷺ
Share This Naat
Share with friends and family
کیوں نہ ہوں میں قربانِ محمدؐ
بہزاد لکھنوی