کتنے رنگین تری محفل کے نظارے ہوں گے
جب تیرے گرد تیرے یار پیارے ہوں گے
Kitne rangeen teri mehfil ke nazare honge
Jab tere gird tere yar pyare honge
دیکھ کر حسن ترا ایسے گماں ہوتا ہے
دست قدرت نے ترے نقش سنوارے ہونگے
Dekh kar husn tera aise gumaan hota hai
Dast e qudrat ne tere naqsh sanware honge
وہ گذر جائے گا آرام سے ہر منزل سے
جسکو حاصل تری رحمت کے سہارے ہونگے
Woh guzar jaaye ga aaraam se har manzil se
Jisko haasil teri rehmat ke sahare honge
جب بھی سرکار دو عالم نے بلایا مجھ کو
اوج پر پھر ہی تو قسمت کے ستارے ہونگے
Jab bhi Sarkar do Aalam ne bulaya mujhko
Auj per phir hi to qismat ke sitare honge
سن ہی لیں گے وہ میرے دل کا فسانہ اک دن
اک نہ اک روز رحمت کے اشارے ہوں گے
Sun hi lenge woh mere dil ka fasana ek din
Ek na ek roz rehmat ke ishaare honge
در بدر پھرتے رہیں گے یونہی مارے مارے
یا نبی ﷺ آپ کے نظروں کے جو مارے ہونگے
Dar badar phirte rahenge yunhi mare mare
Ya Nabi ﷺ aap ke nazron ke jo mare honge
مجھ گنہ گار پہ کھل جائے گا جب باب کرم
پورے اس دن میرے ارمان یہ سارے ہونگے
Mujh gunahgaar pe khul jaaye ga jab baab e karam
Poore us din mere arman yeh sare honge
ایک تو ہی تو سہارا ہے نیازی کا شہا
چھوڑ کر تجھ کو مرے کیسے گزارے ہوں گے
Ek to hi to sahara hai Niazi ka sheha
Chhod kar tujh ko mere kaise guzare honge
Share This Naat
Share with friends and family
کتنے رنگین تری محفل کے نظارے ہوں گے
عبدالستار نیازی