کتنا پُرکیف سا اُس وقت سماں ہوتا ہے
جب مدینے کی طرف کوئی رواں ہوتا ہے
Kitna pur-kaif sa us waqt sama hota hai
Jab Madine ki taraf koi rawan hota hai
ساتھ لے جائے کوئی عازمِ طیبہ مجھ کو
دل کی حسرت ہے مگر ایسا کہاں ہوتاہے
Saath le jaye koi azim e Taiba mujh ko
Dil ki hasrat hai magar aisa kahan hota hai
دید کب ہو گی میسر کہ مری آنکھوں سے
روز اشکوں سے غمِ ہجر بیاں ہوتا ہے
Deed kab ho gi mayassar ke meri aankhon se
Roz ashkon se gham e hijr bayan hota hai
اُسی دربار کا ادنیٰ سا گدا ہوں میں بھی
جھولی پھیلائے جہاں سارا جہاں ہوتا ہے
Usi darbaar ka edna sa gada hoon main bhi
Jholi phelaye jahan saara jahan hota hai
مشکلیں کیوں نہ ہوں آسان ہماری آصف
ذکر سرکار کا جب زیبِ زباں ہوتاہے
Mushkilain kyu na hon asaan hamari Asif
Zikr Sarkar ka jab zeb e zaban hota hai
Share This Naat
Share with friends and family
کتنا پُرکیف سا اُس وقت سماں ہوتا ہے
محمد آصف قادری