کھلا ہے سبھی کے لیے بابِ رحمت وہاں کوئی رتبے میں ادنیٰ نہ عالی
مرادوں سے دامن نہیں کوئی خالی، قطاریں لگائے کھڑے ہیں سوالی
khula hai sabhi ke liye baab-e-rehmat wahan koi rutbe mein adna na aali
muraadon se daaman nahi koi khaali, qataarein lagaaye khade hain sawaali
میں پہلے پہل جب مدینے گیا تھا، تو تھی دل کی حالت تڑپ جانے والی
وہ دوبارہ سچ مچ مرے سامنے تھا، ابھی تک تصور تھا جس کا خیالی
mein pehle pehel jab madeene gaya tha, to thi dil ki haalat tarap jane wali
woh dobaara sach much mere samne tha, abhi tak tasawwur tha jis ka khayaali
جو اک ہاتھ سے دل سنبھالے ہوئے تھا، تو تھی دوسرے ہاتھ میں سبز جالی
دعا کے لیے ہاتھ اٹھتے تو کیسے ، نہ یہ ہاتھ خالی نہ وہ ہاتھ خالی
jo ik haath se dil sambhaale hue tha, to thi doosre haath mein sabz jaali
dua ke liye haath uthte to kaise, na yeh haath khaali na woh haath khaali
جو پوچھا ہے تم نے ، کہ میں نذر کرنے ، کو کیا لے گیا تھا، تو تفصیل سن لو
تھا نعتوں کا اک ہار اشکوں کے موتی، درودوں کا گجرا، سلاموں کی ڈالی
jo poocha hai tum ne, ke mein nazar karne, ko kya le gaya tha, to tafseel sun lo
tha naaton ka ik haar ashkon ke moti, duroodon ka gajra, salaamon ki daali
دھنی اپنی قسمت کا ہے تو وہی ہے ، دیارِ نبیؐ جس نے آنکھوں سے دیکھا
مقدر ہے سچا مقدر اسی کا، نگاہِ کرم جس پہ آقاؐ نے ڈالی
dhani apni qismat ka hai to wahi hai, diye-e-nabi (SAW) jis ne aankhon se dekha
muqaddar hai sacha muqaddar usi ka, nigah-e-karam jis pe aaqa (SAW) ne daali
میں اُس آستانِ حرم کا گدا ہوں، جہاں سر جھکاتے ہیں شاہانِ عالم
مجھے تاجداروں سے کم مت سمجھنا، مرا سر ہے شایانِ تاجِ بلالی
mein us aastaan-e-haram ka gada hoon, jahaan sar jhukate hain shahan-e-aalam
mujhe taajdaron se kam mat samajhna, mera sar hai shaayaan-e-taaj-e-bilaali
میں توصیفِ سرکارؐ تو کر رہا ہوں مگر اپنی اوقات سے باخبر ہوں
میں صرف ایک ادنیٰ ثنا خواں ہوں اُن کا ، کہاں میں کہاں نعتِ اقبال و حالی
mein tauseef-e-sarkar (SAW) to kar raha hoon magar apni auqaat se baakhabar hoon
mein sirf ek adna sana khwaan hoon unka, kahaan mein kahaan naat-e-iqbal o haali
Share This Naat
Share with friends and family
کھلا ہے سبھی کے لیے بابِ رحمت
اقبال عظیم