خدا کی حمد نعتِ مصطفیٰ ہے
ثنائے مصطفیٰ حمدِ خدا ہے
Khuda ki hamd naat-e-Mustafa hai
Sana-e-Mustafa hamd-e-Khuda hai
خدا کے بعد ان کا نام نامی
بڑوں سے بھی بڑا‘ سب سے بڑا ہے
Khuda ke baad un ka naam naami
Barron se bhi barra, sab se barra hai
خود ان کے نام ہے ان کا قصیدہ
قصیدہ گو باذات خود خدا ہے
Khud un ke naam hai un ka qaseeda
Qaseeda go ba zaat khud Khuda hai
مراتب آپﷺ کے اللہ اکبر
کوئی حد ہے نہ کوئی انتہا ہے
Maratib aapﷺ ke Allahu Akbar
Koi hadd hai na koi inteha hai
تہی دست و تہی داماں بظاہر
مگر خاکِ قدم بھی کیمیا ہے
Tehi dast o tehi daman ba zaahir
Magar khaak-e-qadam bhi keemiya hai
اثاثہ بوریا اور کالی کملی
مگر رُتبہ شہِ ارض و سما ہے
Asasa boriya aur kali kamli
Magar rutba shae arz o sama hai
غذا نانِ جویں ‘ وہ بھی بہ قلّت
مگر سارا جہاں ان کا گدَا ہے
Ghiza naan-e-jawen, wo bhi ba qillat
Magar sara jahan un ka gada hai
خود اپنی آل پر فاقوں پہ فاقہ
مگر معمول ‘ اکرام و عطا ہے
Khud apni aal par faqon pe faqah
Magar mamool, ikram o ata hai
بشر بھی ‘ عبد بھی ‘ اُمّی لقب بھی
مگر منصب امامِ الانبیا ہے
Bashar bhi, abd bhi, ummi laqab bhi
Magar mansab Imaam-ul-ambiya hai
دیا مٹی کا حجرے کا مقدّر
مگر حجرہ نشیں بدر الدجٰے ہے
Diya mitti ka hujre ka muqaddar
Magar hujra nasheen Badr-ud-Duja hai
ان کے دم ہی سے کونین روشن
کہ ان کی ہر نظر نور الہدیٰ ہے
Un ke dum hi se konain roshan
Ke un ki har nazar Noor-ul-Huda hai
شبِ طیبہ بھی ہے صبحِ درخشاں
کہ میرِ شہر خود شمس الضحیٰ ہے
Shab-e-Taiba bhi hai subh-e-darakhshan
Ke meer-e-shehar khud Shams-uz-zuha hai
بند چھلنی کیا جن ظالموں نے
ان ہی کے حق میں ہونٹوں پر دعا ہے
Band chhalni kiya jin zalimon ne
Un hi ke haq mein honton par dua hai
خدا لگتی کہو دنیا کے لوگو
اگر رحمت نہیں ہے یہ تو کیا ہے
Khuda lagti kaho duniya ke logo
Agar rahmat nahi hai ye to kya hai
سنبھلتا ہی نہیں اب مجھ سے دامن
خدا نے مجھ کو اتنا کچھ دیا ہے
Sambhalta hi nahi ab mujh se daaman
Khuda ne mujh ko itna kuch diya hai
سبب ظاہر ہے اس فضل و کرم کا
یہ آقا سے محبت کا صلہ ہے
Sabab zaahir hai is fazl-o-karam ka
Ye aaqa se mohabbat ka sila hai
فقیر انہ گذر اوقات لیکن
شہنشاہوں سے بھی عظمت سوا ہے
Faqeerana guzar auqat lekin
Shahenshahoon se bhi azmat sawa hai
نہ اُن جیسا کوئی آئندہ ہوگا
نہ اُن جیسا کوئی اب تک ہوا ہے
Na un jaisa koi aayenda hoga
Na un jaisa koi ab tak hua hai
Share This Naat
Share with friends and family
خدا کی حمد نعتِ مصطفیٰ ہے
پروفیسراقبال عظیم