خدا کی حمد کا ذکرِ نبیؐ کا
بناؤ دل کو مسکن بندگی کا
Khuda ki hamd ka zikr-e-Nabiؐ ka
Banao dil ko maskan bandagi ka
عبادت سے کبھی ہونا نہ غافل
عبادت ہی ہے مقصد زندگی کا
Ibadat se kabhi hona na ghafil
Ibadat hi hai maqsad zindagi ka
کروں رب سے طلب میں خیرِ ہستی
وہی مالک ہے میری زندگی کا
Karun Rab se talab mein khair-e-hasti
Wohi malik hai meri zindagi ka
رہا دل میں نہ جب سے خوفِ داور
ستاتا ہے ہمیں ڈر ہر کسی کا
Raha dil mein na jab se khauf-e-dawar
Satata hai humein darr har kisi ka
یہ بزمِ حمد ہے بیٹھو ادب سے
تقاضا ہے یہی شائستگی کا
Yeh bazm-e-hamd hai baitho adab se
Taqaza hai yeh shaiستگی ka
خدایا بخش دے مجھ کو خزینہ
شعور و فہم و عقل و آگہی کا
Khadaya bakhsh de mujh ko khazina
Shaur o fehm o 'aql o agahi ka
پلا دے مجھ کو یارب وہ مئے حق
نشہ جس میں ہو تیری بندگی کا
Pila de mujh ko ya Rab woh mai-e-Haq
Nasha jis mein ho teri bandagi ka
غرور و ناز سے رکھ دور یا رب
بنا دے مجھ کو پیکر سادگی کا
Ghurur o naاز se rakh door ya Rab
Bana de mujh ko paikar saadgi ka
درودِ پاک اور ذکرِ الہٰی
وظیفہ ہے یہ احسنؔ اعظمی کا
Darood-e-Pak aur zikr-e-Ilahi
Wazifa hai yeh Ahsanؔ Azmi ka
Share This Naat
Share with friends and family
خدا کی حمد کا ذکرِ نبیؐ کا
احسن اعظمی