خدا کرے کہ مری ارض پاک پر اُترے
وہ فصلِ گل ‘ جسے اندیشئہ زوال نہ ہو
Khuda kare ke meri arz-e-paak par utre
Woh fasl-e-gul ' jise andeshe-e-zawal na ho
یہاں جو پھول کِھلے ‘ وہ کِھلا رہے صدیوں
یہاں خزاں کو گزرنے کی بھی مجال نہ ہو
Yahan jo phool khile ' woh khila rahe sadiyon
Yahan khazan ko guzarnay ki bhi majaal na ho
یہاں جو سبزہ اُگے ‘ وہ ہمیشہ سبز رہے
اور ایسا سبز ‘ کہ جس کی کوئی مثال نہ ہو
Yahan jo sabza uge ' woh hamesha sabz rahe
Aur aisa sabz ' ke jis ki koi misaal na ho
گھنی گھٹائیں یہاں ایسی بارشیں برسائیں
کہ پتھروں سے بھی ‘ روئیدگی محال نہ ہو
Ghanee ghataayen yahan aisi barishen barsaayein
Ke patharon se bhi ' roeedagi mahaal na ho
خدا کرے --- کہ نہ خم ہو سرِ وقارِ وطن
اور اس کے حُسن کو تشویشِ ماہ و سال نہ ہو
Khuda kare --- ke na khum ho sar-e-waqar-e-watan
Aur us ke husn ko tashweesh-e-maah o saal na ho
ہر ایک فرد ہو تہذیب و فن کا اَوج کمال
کوئی مَلُول نہ ہو ‘ کوئی خستہ حال نہ ہو
Har aik fard ho tehzeeb o fun ka oaj-e-kamaal
Koi malool na ho ' koi khasta haal na ho
خدا کرے --- کہ مرے اک بھی ہم وطن کے لیے
حیات جرم نہ ہو ‘ زندگی وبال نہ ہو
Khuda kare --- ke mire ek bhi hum watan ke liye
Hayat jurm na ho ' zindagi wabaal na ho
خدا کرے --- کہ مِری ارض پاک پر اُترے
وہ فصلِ گل جسے اندیشہء زوال نہ ہو
Khuda kare --- ke meri arz-e-paak par utre
Woh fasl-e-gul jise andeshe-e-zawal na ho
Share This Naat
Share with friends and family
خدا کرے کہ مری ارض پاک پر اُترے
احمد ندیم قاسمی