میری پہچان ہے سیرت ان کی
میرا ایمان ! محبت ان کی
Meri pehchaan hai seerat un ki
Mera imaan! mohabbat un ki
آج ہم فلسفہ کہتے ہیں جسے
وہ مساوات تھی عادت ان کی
Aaj hum falsafa kehtay hain jise
Woh masawaat thi aadat un ki
فتحِ مکہ ، مرے دعوے کی دلیل
عدل کی جان ، عدالت ان کی
Fatah-e-Makka, mere daway ki daleel
Adl ki jaan, adaalat un ki
حرفِ اَتًمَمْتُ عَلَیْکُم ہے گواہ
حسنِ تکمیل ہے بعثت ان کی
Harf-e-Atammat 'alaykum hai gawah
Husn-e-takmeel hai ba'that un ki
ارتقا اس سے اجازت مانگے
اُن کی ہو جائے جو امت اُن کی
Irtiqa is se ijaazat maange
Un ki ho jaye jo ummat un ki
میں کہ راضی بہ رضائے رب ہوں
کوئی حسرت ہے تو حسرت ان کی
Main ke raazi ba raza-e-rabb hoon
Koi hasrat hai to hasrat un ki
وقت اور فاصلہ برحق لیکن
میرا فن کرتا ہے بیعت ان کی
Waqt aur faasla barhaq lekin
Mera fun karta hai bayat un ki
Share This Naat
Share with friends and family
میری پہچان ہے سیرت ان کی
احمد ندیم قاسمی