دل سے مِرے دنیا کی محبت نہیں جاتی
سرکار! گناہوں کی بھی عادت نہیں جاتی
Dil se mire duniya ki muhabbat nahi jati
Sarkar! Gunahon ki bhi aadat nahi jati
دن رات مسلسل ہے گناہوں کا تَسَلسُل
کچھ تم ہی کرو نا یہ نُحُوست نہیں جاتی
Din raat musalsal hai gunaahon ka tasalsul
Kuch tum hi karo na yeh nuhusat nahi jati
کھا نے کی زِیادَت ہے تو سونے کی بھی کثرت
اور خندۂ بے جا( )کی بھی خصلت نہیں جاتی
Khaane ki ziadat hai to sone ki bhi kasrat
Aur khanda-e-be ja() ki bhi khaslat nahi jati
گو پیشِ نظر قبر کا پُرھول گڑھا ہے
افسوس! مگر پھر بھی یہ غفلت نہیں جاتی
Go peshe nazar qabr ka purkhool garha hai
Afsoos! Magar phir bhi yeh ghaflat nahi jati
اے رَحمتِ کونین! کمینے پہ کرم ہو
ہائے! نہیں جا تی بُری خصلت نہیں جاتی
Ae rehmat-e-konain! Kamine pe karam ho
Haaye! Nahi ja ti buri khaslat nahi jati
جی چاہتا ہے پھوٹ کے روؤں تِرے غم میں
سرکار! مگر دل کی قَساوَت نہیں جاتی
Ji chahta hai phoot ke roon tire gham mein
Sarkar! Magar dil ki qasawat nahi jati
کیا ہو گیا سرکار! خیالوں کو ہمارے
اَغیار کے فیشن کی نُحُوست نہیں جاتی
Kya ho gaya sarkar! Khayalon ko humare
Aghyar ke fashion ki nuhusat nahi jati
گو لاکھ بُرا ہی سہی مایوس نہیں ہوں
صد شکر کہ اُمّیدِ شَفاعت نہیں جاتی
Go laakh bura hi sahi mayoos nahi hoon
Sad shukr ke ummid-e-shafaat nahi jati
عادت مجھے معلوم ہے آقا کی کسی کا
دل توڑ کے جاتی نہیں رَحمت نہیں جاتی
Aadat mujhe maloom hai aaqa ki kisi ka
Dil tod ke jati nahi rehmat nahi jati
’’اپنوں ‘‘ کو تو سرکار! تباہی سے بچا لو
بے چاروں کے سینوں سے عداوت نہیں جاتی
''Apno'' ko to sarkar! Tabahi se bacha lo
Be charon ke seenon se adawat nahi jati
اللہُ غنی! شانِ ولی! راج دلوں پر
دنیا سے چلے جائیں حُکومت نہیں جاتی
Allah-u-ghani! Shaan-e-Wali! Raaj dilon par
Duniya se chale jayen hukumat nahi jati
کچھ ایسی کشِش تجھ میں ہے اے شَہرِ مدینہ!
گو حاضِری سو بار ہو حسرت نہیں جاتی
Kuch aisi kashish tujh mein hai ae shahr-e-Madina!
Go haaziri so baar ho hasrat nahi jati
نَیرنگیِ دنیاکے تماشوں کی خبر ہے
عطّارؔ تو کیوں دل سے یہ الفت نہیں جاتی
Nairangi-e-dunya ke tamashon ki khabar hai
Attarؔ to kyu dil se yeh ulfat nahi jati
Share This Naat
Share with friends and family
دل سے مِرے دنیا کی محبت نہیں جاتی
الیاس عطار قادری