خُون پانی ہو، یہ انداز مگر، پیدا کر
صدفِ دل میں طرح دار گُہَر پیدا کر
Khoon pani ho, yeh andaaz magar, paida ker
Sadaf-e-dil mein tarah daar guhar paida ker
شوقِ دیدار میں کچھ حُسنِ اثر پیدا کر
خود سِمٹ آئے تجلّی ، وہ نظر پیدا کر
Shoq-e-deedaar mein kuch husn-e-asar paida ker
Khud simat aaye tajalli, woh nazar paida ker
مانگ کر مہرِ رسالتؐ سے ضیا کی خیرات
اپنے ظلمت کدۂ دل میں سحر پیدا کر
Manga kr mehr-e-risalat se zia ki khairat
Apne zulmat kadah-e-dil mein seher paida ker
بے خودی، عشق، وفا سوزِ طلب، ذوقِ نیاز
راہِ طیبہ کے لیے زادِ سفر پیدا کر
Bekhudi, ishq, wafa sooz-e-talab, zauq-e-niyaaz
Raah-e-tayyiba ke liye zaad-e-safar paida ker
دُور، نزدیک کوئی چیز نہیں اُن کے لیے
اک ذرا اپنی صداؤں میں اثر پیدا کر
Door, nazdeek koi cheez nahi un ke liye
Ik zara apni sadaon mein asar paida ker
ہجرِ آقاؐ میں بہیں اشک، مگر حد میں رہیں
کچھ نہ کچھ ضبط بھی اے دیدۂ تر! پیدا کر
Hijr-e-aqa mein bahein ashk, magar had mein rahein
Kuch na kuch zabt bhi ae deedah-e-tarr! paida ker
کہہ رہی ہے یہ مسلماں سے محمدؐ کی نماز
جَبہہ سائی کے جو لائق ہو، وہ سَر پیدا کر
Keh rahi hai yeh musalman se Muhammad ki namaz
Jabha saai ke jo laaiq ho, woh sir paida ker
کہتے ہیں، ٹوٹے ہُوئے دل میں خدا رہتا ہے
تُو بھی اِس کعبے کی دیوار میں در پیدا کر
Kehte hain, toote hue dil mein Khuda rehta hai
Tu bhi is kaabe ki deewar mein dar paida ker
اُن کا جلوہ تو ہر اک شے سے ہے ظاہر باہر
آنکھ اللہ نے دی ہے، تو نظر پیدا کر
Un ka jalwa to har ik shai se hai zaahir bahr
Aankh Allah ne di hai, to nazar paida ker
پُرسشِ حال کو تشریف وہ لائیں گے ضرور
سوزِ دل، ذوقِ وفا، دردِ جگر پیدا کر
Pursish-e-haal ko tashreef woh laenge zaroor
Soz-e-dil, zauq-e-wafa, dard-e-jigar paida ker
دیکھ اللہ کا گھر شوق سے پھر جا کے نصیرؔ
پہلے دل میں کسی انسان کے گھر پیدا کر
Dekh Allah ka ghar shauq se phir ja ke Naseer
Pehle dil mein kisi insaan ke ghar paida ker
Share This Naat
Share with friends and family
خُون پانی ہو، یہ انداز مگر، پیدا کر
سید نصیرالدیں نصیر