خیالوں میں اُن کا گزر ہو گیا ہے
مری مدحتوں میں اثر ہو گیا ہے
Khiyalon mein unka guzar ho gaya hai
Meri madhton mein asar ho gaya hai
درودِ نبی سے کیا دل کو روشن
مرا دل بھی مثلِ قمر ہو گیا ہے
Dorod-e-Nabi se kya dil ko roshan
Mera dil bhi misl-e-qamar ho gaya hai
یہی خلد کا راستہ ہے یقیناً
مدینے کی جانب سفر ہو گیا ہے
Yehi khuld ka rasta hai yaqeenan
Madine ki janib safar ho gaya hai
سعادت ملی ہے یہ مجھ کو خدا سے
سدا نعت لکھنا ہنر ہو گیا ہے
Sa'adat mili hai ye mujh ko Khuda se
Sada naat likhna hunar ho gaya hai
کڑی دھوپ میں جب پکارا ہے اُن کو
مرا سوچنا بھی شجر ہو گیا ہے
Kari dhoop mein jab pukara hai unko
Mera sochna bhi shajar ho gaya hai
یہ عشقِ نبی جب سے اترا ہے دل میں
مرے دل کا روشن نگر ہو گیا ہے
Ye ishq-e-Nabi jab se utra hai dil mein
Mere dil ka roshan nagar ho gaya hai
یہ حبدار قائم نبی کا ہے خادم
جبھی تو یہ مثلِ سحر ہو گیا ہے
Ye Habdar qaim Nabi ka hai khadim
Jabhi to ye misl-e-sehar ho gaya hai
Share This Naat
Share with friends and family
خیالوں میں اُن کا گزر ہو گیا ہے
سید حب دار قائم