فلک پہ موجود چاند کو شین قاف کرنا کمال یہ ہے
چھپے ہوئے خور کا عصر پر انعطاف کرنا کمال یہ ہے
Falak pe mojood chaand ko sheen qaf karna kamaal yeh hai
Chhupe hue khor ka asar par initaaf karna kamaal yeh hai
چبا لیا تھا کلیجہ اس نے یہ دشمنی تھی کمال کب تھا
قصور ہندہ کا ایک پل میں معاف کرنا کمال یہ ہے
Chaba liya tha kaleja us ne yeh dushmani thi kamaal kab tha
Qasoor hinda ka aik pal mein maaf karna kamaal yeh hai
حضور نے کفر کے اندھیروں کو روشنی کا شعور بخشا
جہالتوں کی سیاہی سینوں سے صاف کرنا کمال یہ ہے
Huzoor ne kufr ke andheron ko roshni ka shaoor baksah
Jahalatun ki siyahi seenon se saaf karna kamaal yeh hai
پتا بتاتی تھی ان کا خوشبو حضور گزرے ہیں اس گلی سے
حضور کے گرد خوشبووں کا طواف کرنا کمال یہ ہے
Pata batati thi un ka khushbu huzoor guzray hain us gali se
Huzoor ke gird khushboon ka tawaaf karna kamaal yeh hai
خدا سے رو رو کے التجا کی گناہ گار امتی کی خاطر
حرا کی تنہائی میں دنوں اعتکاف کرنا کمال یہ ہے
Khuda se ro ro ke iltija ki gunah gaar umti ki khaatir
Hira ki tanhai mein dinoon itikaaf karna kamaal yeh hai
کریں گے بیٹی کو زندہ در گور مدتوں سے رواج یہ تھا
عرب کی ایسی روایتوں کے خلاف کرنا کمال یہ ہے
Karein ge beti ko zinda dar gor mudatoun se riwaaj yeh tha
Arab ki aisi riwajten ke khilaaf karna kamaal yeh hai
کہاں وہ زر نابِ نعتِ سرور کہاں میں اشفاق خاک فطرت
غریبِ حرفِ سخن کو بھی نعت باف کرنا کمال یہ ہے
Kahan wo zar naab-e-naat-e-sarwar kahan mein Ashfaq khaak fitrat
Gharib-e-harf-e-sukhan ko bhi naat baaf karna kamaal yeh hai
Share This Naat
Share with friends and family
فلک پہ موجود چاند کو
اشفاق احمد غوری