در نبی یہ مقدر جگائے جاتے ہیں
جو کام بنتے نہیں ہیں بنائے جاتے ہیں
Dar e nabi yeh muqaddar jagae jate hain
Jo kaam bante nahi hain banae jate hain
نبی کے در پہ کبھی مانگنا نہیں پڑتا
یہاں تو جام نظر سے پلائے جاتے ہیں
Nabi ke dar pe kabhi maangna nahi padta
Yahan to jaam e nazar se pilaye jate hain
نگاہ ساقی کوثر کا یہ کرشمہ ہے
کہ مست گرنے سے پہلے اٹھائے جاتے ہیں
Nigah e saqi e kausar ka yeh karishma hai
Ke mast girne se pehle uthae jate hain
قسم خدا کی وہ ویراں کبھی نہیں ہوتے
نبی کی یاد سے جو دل بسائے جاتے ہیں
Qasam khuda ki woh weran kabhi nahi hote
Nabi ki yaad se jo dil basae jate hain
میرے حضور کی محفل کو جو سجاتے ہیں
انہیں بہشت کے مژدے بنائے جاتے ہیں
Mere huzoor ki mehfil ko jo sajate hain
Unhein behisht ke mujday banae jate hain
میرے کریم کی بندہ نوازیاں دیکھو
کہ مجھ سے عاصی بھی در پر بلائے جاتے ہیں
Mere kareem ki banda nawaziyan dekho
Ke mujh se aasi bhi dar par bulae jate hain
دیئے دلوں میں جو روشن ہیں عشق احمد کے
جفا کی آندھی سے وہ کب بجھائے جاتے ہیں
Diye dilon mein jo roshan hain ishq e Ahmad ke
Jafa ki aandhi se woh kab bujhae jate hain
انہیں کو ملتی ہے اہل وفا کی سرداری
نبی کے نام پہ جو سر کٹائے جاتے ہیں
Unhein ko milti hai ahl e wafa ki sardari
Nabi ke naam pe jo sar katae jate hain
نبی کی نعت کا صدقہ جہاں بھی جاتا ہوں
نیازی میرے لیے دل بچھائے جاتے ہیں
Nabi ki naat ka sadqa jahan bhi jata hoon
Niazi mere liye dil bichae jate hain
Share This Naat
Share with friends and family
در نبی یہ مقدر جگائے جاتے ہیں
عبدالستار نیازی