کیہیا آمنہ مائی حلیمہ نوں سُتے لیکھ جگا لے چُپ کر کے
لے رحمت سارے عالم دی سینے نال لا لے چُپ کر کے
Kehya Amna Mai Haleema noon sute lekh jaga le chup kar ke
le rehmat saare aalam di seene naal la le chup kar ke
توں سمجھ یتیم نہ چھڈ جاویں جھولی چوں لعل نہ کڈھ جاویں
ایہہ لعل میرا ان ملا اے پلڑے چہ چھپا لے چُپ کر کے
toon samajh yateem na chhad jaaven jholi choon laal na kadh jaaven
eh lal mera an mila ae pallade cheh chhupa le chup kar ke
کر فکر نہ پچھوں آون دا ، دائیاں توں مگر رہ جاون دا
ایہہ وی سب نبیاں توں بعد آیا ایہدے ناز اٹھا لے چُپ کر کے
Kar fikr na puchoon aavan da, daaiyaan toon magar reh jaavan da
Eh vi sab nabiyya toon baad aaya ehde naaz otha le chup kar ke
اہدے رُخ توں پلڑا چک تے سہی مرے چن دا مکھڑا تک تے سہی
اس نور مجسم تھیں گھر دی ظلمت نوں مٹالے چُپ کر کے
Ehde rukh toon pallra chak te sahi mere chan da mukhra tak te sahi
Is noor mujassam thoon ghar di zulmat noon mita le chup kar ke
ویکھن وچ بن عبد اللہ اے پر اصل دے وچ وجہ اللہ اے
ایہہ پردیاں دے وچ آیا اے ایہنوں جگ توں لُکا لے چُپ کر کے
Wekhan vich bin abd Allah ae par asal de vich wajah Allah ae
Eh pardiyan de vich aaya ae ehnoon jag toon luka le chup kar ke
کی دساں کون ایہہ آیا اے میں لوکاں وانگ نہ جایا اے
خُوش بخت حلیمہ آج توں وی قسمت چمکا لے چُپ کر کے
Ki dasaan kaun eh aaya ae main lokaan waang na jaya ae
Khush bakht Haleema aaj toon vi kismat chamka le chup kar ke
ایہہ رب دا نور اجالا اے ایہہ صائم دا رکھوالا اے
ایہدے ناز اُٹھا کے جنّت دا سامان بنا لے چُپ کر کے
Eh Rab da noor ujala ae eh Saaim da rakhwala ae
Ehde naaz utha ke jannat da samaan bana le chup kar ke
Share This Naat
Share with friends and family
کیہیا آمنہ مائی حلیمہ نوں سُتے لیکھ جگا لے چُپ کر کے
علامہ صائم چشتی