کیسے عمر کے کفر کا سر ہو گیا قلم
تھی تیز کتنی تیغ نبی کے جمال کی
Kaisay umr ke kufr ka sar ho gaya qalam
Thi tez kitni tegh Nabi ke jamal ki
جلوت کمال کی شہا! خلوت کمال کی
ہر پل تِرا کمال کا ساعت کمال کی
Jalwat kamal ki shaha! Khalwat kamal ki
Har pal tira kamal ka sa'at kamal ki
ہم بےکمال کیوں ڈریں محشر کے رنج سے
جب ہے نبی کی شانِ شفاعت کمال کی
Hum bekamal kyun daren mahshar ke ranj se
Jab hai Nabi ki shan-e-shafaat kamal ki
سرکار کے عروج کا پھر پوچھنا ہی کیا
جب اُن کے ذکر کو ملی رفعت کمال کی
Sarkar ke urooj ka phir poochna hi kya
Jab un ke zikr ko mili rufat kamal ki
جب جب بھی حاضری ہوئی مہکا مشامِ جاں
دربارِ مصطفےٰ میں ہے نکہت کمال کی
Jab jab bhi hazri hui mehka masham-e-jaan
Darbar-e-Mustafa mein hai nakkat kamal ki
آج اسکےحرفِ ’’تا‘‘سے بھی واقف نہیں ہیں لوگ
سرکار نے جو کی ہے تجارت کمال کی
Aaj iske harf-e "ta" se bhi waqif nahi hain log
Sarkar ne jo ki hai tijarat kamal ki
کر کے درودِ پاک کی تکرار دیکھئے
محسوس ہوگی آپ کو لذت کمال کی
Kar ke durood-e-paak ki takraar dekhiye
Mehsoos hogi aap ko lazzat kamal ki
نعتِ نبی کے واسطے پڑھئے کلامِ پاک
قرآں کی آیتوں میں ہے مدحت کمال کی
Naat-e-Nabi ke wastay padhiye kalam-e-paak
Quraan ki aayat mein hai madahat kamal ki
آواز دے کے دیکھئے آئے گی جوش میں
سرکارِ دوجہاں کی ہے رحمت کمال کی
Awaaz de ke dekhiye aaye gi josh mein
Sarkar-e-dojahan ki hai rehmat kamal ki
بیٹھا شفیقؔ پڑھ کے تو سب نے یہی کہا
اشعارِ نعت میں ہے فصاحت کمال کی
Baitha Shafiq parh ke to sab ne yehi kaha
Ashaar-e-naat mein hai fasahat kamal ki
Share This Naat
Share with friends and family
کیسے عمر کے کفر کا سر ہو گیا قلم
شفیق ؔ رائے پوری