اغیار کا احسان اٹھایا نہیں جاتا
ہر در پہ یہ سر ہم سے جھکایا نہیں جاتا
aghyaar ka ahsaan uthaya nahi jata
har dar pe yeh sar hum se jhukaya nahi jata
اس دل کے مقدر میں نہیں کیف حضوری
جو دل تیری یادوں سے سجایا نہیں جاتا
is dil ke muqaddar mein nahi kaif huzoori
jo dil teri yaadon se sajaya nahi jata
قدموں میں بلا لیجئے سرکار مدینہ
اب صدمہ جدائی کا اٹھایا نہیں جاتا
qadmon mein bula lijiye sarkar-e-madina
ab sadma judaai ka uthaya nahi jata
احسان پہ احسان کیے جاتے ہیں سرکار
لیکن کوئی احسان جتایا نہیں جاتا
ehsaan pe ehsaan kiye jate hain sarkar
lekin koi ehsaan jataya nahi jata
ہر ایک کی قسمت میں کہاں جام حضوری
کم ظرف کو یہ جام پلایا نہیں جاتا
har aik ki qismat mein kahan jaam-e-huzoori
kam zarf ko yeh jaam pilaya nahi jata
آتے ہیں وہی جن کو بلائیں شہ والا
ہر ایک کو محفل میں بلایا نہیں جاتا
aate hain wahi jin ko bulaein shah-e-wala
har aik ko mehfil mein bulaya nahi jata
دربان اٹھائیں گے اگر در سے کہوں گا
لاچار ہوں سر مجھ سے اٹھایا نہیں جاتا
darban uthayenge agar dar se kahunga
lachar hoon sar mujh se uthaya nahi jata
ہو جاتا ہے اشکوں سے عیاں درد محبت
میں لاکھ چھپاتا ہوں، چھپایا نہیں جاتا
ho jata hai ashkon se ayaan dard-e-mohabbat
mein lakh chhupata hoon, chhupaya nahi jata
یاد آتے ہیں رہ رہ کے مدینے کے مناظر
طیبہ کا سفر مجھ سے بھلایا نہیں جاتا
yaad aate hain reh reh ke madine ke manazir
tayyaba ka safar mujh se bhulaya nahi jata
سرکار پہنچتے ہیں وہاں پر بھی نیازی
جس جا کسی ہمدرد کا سایہ نہیں جاتا
sarkar pohchtay hain wahan par bhi Niazi
jis ja kisi humdard ka saya nahi jata
Share This Naat
Share with friends and family
اغیار کا احسان اٹھایا نہیں جاتا
عبدالستار نیازی