Manqabat

کروں کیا حالِ دل اِظہار یاغوث

جمیل الرحمن قادری • قبائلۂ بخشش • ur • ؒشیخ عبدالقادر جیلانی

کروں کیا حالِ دل اِظہار یاغوث کہ تم ہو عالم الاسرار یاغوث

Karun kya haal-e-dil izhaar ya Ghous Ke tum ho aalam al-asrar ya Ghous

نکالو بحرِ غم سے میری کشتی ہے حائل بیچ میں منجدھار یاغوث

Nikaalo bahr-e-gham se meri kashti Hai haail beech mein manjhdhaar ya Ghous

سوا تیرے کہوں کس سے غم اپنا نہیں میرا کوئی غمخوار یاغوث

Siwa tere kahun kis se gham apna Nahi mera koi ghamkhaar ya Ghous

مَدد کا وقت ہے اِمداد کیجئے مری حالت ہوئی ہے زار یاغوث

Madad ka waqt hai imdaad kijiye Meri haalat hui hai zaar ya Ghous

دلِ تاریک پر فرما دے صیقل مرا سینہ ہو پراَنوار یاغوث

Dil-e-taareek par farma de saiqal Mera seenah ho par-anwaar ya Ghous

عطا کر صحت کامل اسے بھی یہ بندہ ہے ترا بیمار یاغوث

Ataa kar sehat-e-kaamil use bhi Yeh banda hai tera beemaar ya Ghous

بلا بغداد میں لِلّٰہِ آقا دکھا اپنا مجھے دَربار یاغوث

Bala Baghdad mein lillahi aaqa Dikha apna mujhe darbaar ya Ghous

اِشارے سے تری رحمت کے بن جائے یہ اُجڑا بن مرا گلزار یاغوث

Ishare se teri rehmat ke ban jaye Yeh ujra ban mera gulzaar ya Ghous

مری آنکھوں کو میرے دل کے اندر نظر آئیں ترے اَنوار یاغوث

Meri aankhon ko mere dil ke andar Nazar aayein tere anwaar ya Ghous

نہ گھبراؤں شب تارِ لحد سے نظر آئیں ترے اَنوار یاغوث

Na ghabraoon shab-e-taar-e-lahd se Nazar aayein tere anwaar ya Ghous

کھلے جب خوابِ مرقد سے مری آنکھ مجھے ہو آپ کا دِیدار یاغوث

Khule jab khwab-e-marqad se meri aankh Mujhe ho aap ka deedaar ya Ghous

تمہارے رُوئے روشن کو کہوں کیا قمر یا مَطْلَعِ اَنوار یاغوث

Tumhare ru-e-roshan ko kahoon kya Qamar ya matla-e-anwaar ya Ghous

رَہِ موصل ہوئی اِک آن میں طے کرامت آپ کی رفتار یاغوث

Rahe Mosul hui ik aan mein tay Karaamat aap ki raftaar ya Ghous

مَدد فرمائیے یاغوثِ اعظم مرا کوئی نہیں ہے یار یاغوث

Madad farmaiye ya Ghous-e-Azam Mera koi nahi hai yaar ya Ghous

مَدد کا وقت ہے سرکار آؤ کیا غم نے مجھے لاچار یاغوث

Madad ka waqt hai Sarkar aao Kya gham ne mujhe laachaar ya Ghous

نکالا سیکڑوں ڈوبے ہوؤں کو مرے بیڑے کو کردو پار یاغوث

Nikaala sekron doobay huon ko Mere beray ko kar do paar ya Ghous

بڑھا کر ہاتھ ِاک ٹکڑا اُٹھا دو کہ یہ بندہ بھی ہے حقدار یاغوث

Barha kar haath ek tukda utha do Ke yeh banda bhi hai haqdar ya Ghous

اَغِثْنِیْ یَاحَبِیْبِی غوثُ الاعظم ہوا ہے غم گلے کا ہار یاغوث

Aghisni ya Habeebi Ghous-ul-Aazam Hua hai gham galle ka haar ya Ghous

کہاں تک میں پھروں بے کار شاہا مجھے کر دیجیے باکار یاغوث

Kahan tak main phirun bekkaar shaha Mujhe kar dijiye bakaar ya Ghous

پڑا سوتا ہے میرا بختِ ُخفتہ ذرا کر دیجیے بیدار یاغوث

Para soota hai mera bakht-e-khufta Zara kar dijiye bedaar ya Ghous

مئے عرفاں کا اک ساغر پلا کر مجھے کردیجیے ہشیار یاغوث

Maye irfaan ka ek saagar pila kar Mujhe kar dijiye hoshyaar ya Ghous

خودی ایسی مٹا دل سے کہ مل جائیں خدا اور احمد مختار یاغوث

Khudi aisi mita dil se ke mil jayein Khuda aur Ahmed mukhtar ya Ghous

مجھے ایسی عطا کر یاد اپنی نہ بھولوں میں تجھے زِنہار یاغوث

Mujhe aisi ataa kar yaad apni Na bhooloon main tujhe zinhar ya Ghous

فنا کر یوں کہ میں سوتے میں دیکھوں ترا دربارِ پُرانوار یاغوث

Fana kar yun ke main soote mein dekhun Tera darbaar-e-puranwar ya Ghous

تمنا بلبل شیدا کی یہ ہے ملے بغداد کا گلزار یاغوث

Tamanna bulbul-e-sheeda ki yeh hai Mile Baghdad ka gulzaar ya Ghous

مجھے دنیا میں جنت ہو جو مل جائے تمہارا سایۂ دیوار یاغوث

Mujhe duniya mein jannat ho jo mil jaye Tumhara saaye-e-deewar ya Ghous

کہاں جا کر کرے آنکھوں کو روشن تمہارا طالب دیدار یاغوث

Kahan ja kar karein aankhon ko roshan Tumhara talib deedaar ya Ghous

ہوں میں بھی قادری یاعبدقادر نہ ہوں دونوں جہاں میں خوار یاغوث

Hoon main bhi Qadri ya Abdul Qadir Na hoon donon jahaan mein khwar ya Ghous

رہے سرسبز میرا غنچۂ دِل چبھے کوئی نہ غم کا خار یاغوث

Rahe sarsabz mera gunchay-e-dil Chubhe koi na gham ka khaar ya Ghous

پڑھیں تسبیح تیرے نام کی ہم رہے جب تک نفس کا تار یاغوث

Padhein tasbeeh tere naam ki hum Rahe jab tak nafas ka taar ya Ghous

رہوں ہر وقت سر گرمِ اِطاعت مجھے ایسا بنا دِیں دار یاغوث

Rahon har waqt sargarm-e-tae'at Mujhe aisa bana dein daar ya Ghous

تیرے اک قطرۂ رحمت سے دُھل جائے گناہوں کا مرے طومار یاغوث

Tere ek qatra-e-rehmat se dhol jaye Gunahon ka mere tomaar ya Ghous

پکڑنا ہاتھ میرا دستگیرا عبورِ پل نہ ہو دُشوار یاغوث

Pakadna haath mera dastgeera Aboor-e-pul na ho dushwaar ya Ghous

کرو سو مرتبہ اُس کی مدد تم پکارے جو تمہیں اِک بار یاغوث

Karo so martaba us ki madad tum Pukaare jo tumhein ik baar ya Ghous

کہے جاؤ مریدی لَا تَخَفْ تم پکارے جاؤں میں ہر بار یاغوث

Kahe jaao mureedi la takhaf tum Pukaare jaoon main har baar ya Ghous

زہے قسمت قیامت تک رہے گا مریدوں پر تمہارا پیار یاغوث

Zahe qismat qayamat tak rahega Mureedon par tumhara pyaar ya Ghous

تمامی اَولیا کے تا قیامت تمہیں ہو قافلہ سالار یاغوث

Tamami awliya ke ta qayamat Tumhein ho qafila salaar ya Ghous

کریں گے روزِ محشر ہم پہ سایہ تمہارے گیسوئے خمدار یاغوث

Karenge roz-e-mahshar hum pe saaya Tumhare gesu-e-khamdaar ya Ghous

سفارش کیجیے محشر میں میری کہ مجھ کو بخش دے غفار یاغوث

Sifarish kijiye mahshar mein meri Ke mujh ko baksh de ghaffaar ya Ghous

مسلماں کیجیے ایسا خدارا کہ ٹوٹے نفس کا زنار یاغوث

Musulman kijiye aisa khudara Ke toote nafas ka zunnar ya Ghous

اَطبا کرسکیں جس کا نہ چارہ تو کھو دیتا ہے وہ آزار یاغوث

Atibba kar saken jis ka na chaara To kho deta hai woh azaar ya Ghous

مریضوں کے لیے دارُالشفا ہے ترا دَربارِ پراَنوار یاغوث

Mareezon ke liye dar-ul-shifa hai Tera darbaar-e-puranwar ya Ghous

ہیں ملتی نامرادوں کو مرادیں ترا دَربار ہے دُربار یاغوث

Hain milti naamuraadon ko muraaden Tera darbaar hai durbaar ya Ghous

سلاطین زمانہ کیوں نہ مانگیں ترا دَربار ہے دُربار یاغوث

Salateen zamana kyun na maangein Tera darbaar hai durbaar ya Ghous

اَغِثْنِیْ کہہ کے جو مانگا وہ پایا ترا دَربار ہے دُربار یاغوث

Aghisni keh ke jo maanga woh paya Tera darbaar hai durbaar ya Ghous

رسول اللہ کا تو لاڈلا ہے علی کرتے ہیں تجھ کو پیار یاغوث

Rasool Allah ka to laadla hai Ali karte hain tujh ko pyaar ya Ghous

قدم تیرا ہے دَوشِ اَولیا پر تجھے حق نے کیا سردار یاغوث

Qadam tera hai daush-e-awliya par Tujhe Haq ne kiya sardar ya Ghous

نبی کے معجزوں کا تو ہے مَظہَر بتاتے ہیں تیرے آثار یاغوث

Nabi ke mo'jizoon ka to hai mazhar Bataate hain tere asaar ya Ghous

رَسُوْلُ اللہ نے سینے میں تیرے بھرے ہیں غیب کے اَسرار یاغوث

Rasool Allah ne seenay mein tere Bhare hain ghaib ke asrar ya Ghous

علومِ مصطفیٰ و مرتضیٰ کے تمہیں پر ہیں کھلے اَسرار یاغوث

Uloom-e-Mustafa o Murtaza ke Tumhein par hain khule asrar ya Ghous

لقب ہے مَجمع البحرین تیرا ہیں جاری تجھ سے سب اَنہار یاغوث

Laqab hai majma' al-bahrain tera Hain jaari tujh se sab anhaar ya Ghous

عراق اَجمیر و مارہرہ بریلی نہیں کس جا ترے اَنوار یاغوث

Iraq Ajmer o Marhra Bareilly Nahi kis ja tere anwaar ya Ghous

دلِ مغموم سے میری بصد آہ نکلتی ہے صدا ہر بار یاغوث

Dil-e-magmoom se meri bisad aah Nikalti hai sada har baar ya Ghous

ہے میری تاک میں شیطانِ مردود مدد تری رہے تیار یاغوث

Hai meri taak mein shaitaan-e-mardood Madad teri rahe tayyar ya Ghous

تمہارے دشمنوں کے کاٹنے کو زباں میری بنے تلوار یاغوث

Tumhare dushmanon ke kaatne ko Zubaan meri bane talwaar ya Ghous

خدا کا خاص بندہ بن گیا وہ کیا جس نے ترا اِقرار یاغوث

Khuda ka khaas banda ban gaya woh Kiya jis ne tera iqraar ya Ghous

خدا بھی ہوگیا ناراض اس سے تو جس سے ہوگیا بیزار یاغوث

Khuda bhi hogaya naaraaz us se To jis se hogaya bezaar ya Ghous

بلاشک ہوگیا مقہورِ ایزَد کیا جس نے ترا اِنکار یاغوث

Bala shak hogaya maqhur-e-Izad Kiya jis ne tera inkaar ya Ghous

ہوئی ذلت اسے دونوں جہاں میں پڑی جس پر تری پھٹکار یاغوث

Hui zillat use donon jahaan mein Padi jis par teri phatkaar ya Ghous

دوبارہ دِین کو اب زندہ کیجئے ہوئی ہے یورشِ کفار یاغوث

Dobara deen ko ab zinda kijiye Hui hai yorush-e-kuffar ya Ghous

رہے منگتا ہمیشہ شاد آباد اور اَعدائے لعیں فِی النَّار یاغوث

Rahe mangta hamesha shaad aabaad Aur a'daaye la'een fil-naar ya Ghous

جمیلؔ قادری کی لاج رکھنا حضورِ واحدِ قہار یاغوث

Jameel Qadri ki laaj rakhna Huzoor-e-Waahid-e-Qahhar ya Ghous

Share This Naat

Share with friends and family

کروں کیا حالِ دل اِظہار یاغوث

جمیل الرحمن قادری

Facebook

Twitter / X

Related Naats

Manqabat

اکھّاں اگوّں آج اوہ اکھیاں دا تارا ٹر گیا

محمد اعظم چشتی

Manqabat

نصیبا پھر مجھے در پہ بلائیں حضرت عثمان

محمد عابد علی عطاری

Manqabat

وہ دوجہاں میں ہے واللہ سرفرازِ علی

سید صبیح الدین صبیح رحمانی

Manqabat

نظر نواز ہیں دل جگمگا رہے ہیں حسین

سید نصیرالدیں نصیر