Manqabat
کرتے ہیں جن و بشر ہر وقت چرچا غوث کا
کرتے ہیں جن و بشر ہر وقت چرچا غوث کا
بج رہا ہے چار سو عالم میں ڈَنکا غوث کا
Karte hain jin o bashar har waqt charcha Ghaus ka
Baj raha hai chaar soo aalam mein danda Ghaus ka
نارِ دوزخ سے بچائے گا سہارا غوث کا
لے چلے گا خلد میں اَدنیٰ اِشارہ غوث کا
Naar-e-dozakh se bachae ga sahara Ghaus ka
Le chale ga khuld mein adna ishara Ghaus ka
نزع میں مرقد میں محشر میں مدد فرمائیں گے
ہوچکا ہے عہد پہلے ہی ہمارا غوث کا
Naz'a mein marqad mein mahshar mein madad farmaen ge
Hochuka hai ahd pehle hi hamara Ghaus ka
خالقِ کون و مکاں نے پہلے ہی روزِ اَزل
لکھ دیا ہے میری پیشانی پہ بندہ غوث کا
Khaliq-e-koun o makaan ne pehle hi roz-e-azal
Likh diya hai meri peshani pe banda Ghaus ka
کیا عجب بے پوچھے مجھ کو چھوڑ دیں منکر نکیر
دیکھ کر میرے کفن پر نام لکھا غوث کا
Kya ajab be poche mujhe chor den munkir nakir
Dekh kar mere kafan par naam likha Ghaus ka
نزع میں مرقد میں محشر میں کہیں بھی یاخدا
ہاتھ سے چھوٹے نہ دامانِ مُعلّٰے غوث کا
Naz'a mein marqad mein mahshar mein kahin bhi ya khuda
Haath se chhute na daaman-e-mualla Ghaus ka
ہاں ذرا ٹھہرو فرشتو پھر جو چاہو پوچھنا
کر تو لینے دو مجھے پہلے نظارہ غوث کا
Haan zara thehro farishto phir jo chaho poochhna
Kar to lene do mujhe pehle nazara Ghaus ka
سب خس و خاشاکِ عصیاں آن میں بہ جائے گا
جوش پر آجائے گا جس وقت دَریا غوث کا
Sab khas o khashaak-e-isyan aan mein beh jae ga
Josh par ajae ga jis waqt darya Ghaus ka
جھولیاں پھیلاؤ دوڑو بھیک لو دامن بھرو
بٹ رہا ہے آستاں پر عام باڑا غوث کا
Jholiyaan phelao daudo bheek lo daaman bharo
Bat raha hai aastan par aam baara Ghaus ka
آنکھیں ملنے کے لیے ہاتھ آئے چوکھٹ غوث کی
سر رگڑنے کے لیے مل جائے روضہ غوث کا
Aankhein milne ke liye haath aaye chokhat Ghaus ki
Sar ragrhne ke liye mil jae roza Ghaus ka
سجدہ گاہِ جن و اِنساں آپ کا نقشِ قدم
تاج والوں کے لیے ہے تاج تلوا غوث کا
Sajdagah-e-jin o insan aap ka naqsh-e-qadam
Taaj walon ke liye hai taaj talwa Ghaus ka
روشنیِ شمع سے کیا کام اَندھی آنکھ کو
مومنوں کے چشمِ دِل میں ہے اُجالا غوث کا
Roshni-e-shama se kya kaam andhi aankh ko
Mominon ke chashm-e-dil mein hai ujala Ghaus ka
سلطنت شاہِ مَدینہ نے عطا فرمائی ہے
رائج اِقلیمِ وِلایت میں ہے سکہ غوث کا
Saltanat Shah-e-Madina ne ata farmaai hai
Raaej iqleem-e-wilayat mein hai sikka Ghaus ka
جلتے ہیں دشمن خدا کے ان کے ذِکر و فکر سے
وِرد سب اللہ والے کرتے ہیں یا غوث کا
Jalte hain dushman khuda ke in ke zikr o fikr se
Wird sab Allah wale karte hain ya Ghaus ka
کررہے ہیں اَشقیا کوشش گھٹانے کی مگر
روز اَفزوں ہورہا ہے بول بالا غوث کا
Kar rahe hain ashqiya koshish ghatane ki magar
Roz afzun ho raha hai bol bala Ghaus ka
نقشۂ شاہِ مَدینہ صاف آتا ہے نظر
جب تصور میں جماتے ہیں سراپا غوث کا
Naqsha-e-Shah-e-Madina saaf aata hai nazar
Jab tasawwur mein jamate hain saraapa Ghaus ka
صدقے اس بندہ نوازی کے فدا اس دَین کے
ہم سے کتے پل رہے ہیں کھا کے ٹکڑا غوث کا
Sadqe is banda nawazee ke fida is deen ke
Hum se kutte pal rahe hain khaa ke tukda Ghaus ka
حشر میں اُٹھا ہوا ہے رُوئے اَنور سے نقاب
عاشقو دِل کھول کے کرلو نظارہ غوث کا
Hashr mein utha hua hai ru-e-anwar se naqaab
Aashiqo dil khol ke kar lo nazara Ghaus ka
عمر بھر رکھنا جمیلؔ قادری وِردِ زباں
نام حق کا اور حبیبِ کبریا کا غوث کا
Umar bhar rakhna Jameel Qadri wird-e-zabaan
Naam haq ka aur habeeb-e-kibriya ka Ghaus ka
غوث کو کیونکر نہ آئے پیار تم پر اے جمیلؔ
ہے رضا مرشد تمہارا جب کہ پیارا غوث کا
Ghaus ko kyun kar na aaye pyar tum par ae Jameel
Hai Raza murshid tumhara jab keh pyara Ghaus ka.
Share This Naat
Share with friends and family
کرتے ہیں جن و بشر ہر وقت چرچا غوث کا
جمیل الرحمن قادری