کِہدادُکھ ہر ویلے سجرا اے کہدے غم وِچ اتھرو رُکدے نہیں
اُوہ لال ہے زہرا بی بی دا جہدے فیض دے چشمے سُکدے نہیں
Kihda dukh har vele sajra ae kehde gham wich athru rukde nahi
Ooh laal hai Zahra Bibi da jehde faiz de chashme sukdē nahi
توحید دے بُوٹے دا راکھا روندی زینب نوں آہندا سی
جو جان اپنی پیاری سمجھن اوہ بھار وفا دا چُکدے نہیں
Toheed de bootay da raakha rondi Zainab nu aahnda si
Jo jaan apni pyari samajhn o bhara wafada chukde nahi
جس پاک گھرانے دے وِچوں شبیر جیہے فرزند ہوئے
اُس پاک گھرانے دے خادم تاجاں تختاں تے تُھکدے نہیں
Jis paak gharane de wichon Shabbir jihe farzand hoye
Us paak gharane de khadam taajã takhtan te thukde nahi
حیدر دے شیر نے سِر دے کے دس دِتّا ساری دُنیا نوں
تو حید دا مطلب جو جانن اُوہ غیراں اَگے جھکدے نہیں
Haider de sher ne sir de ke das ditta saari duniya nu
Toheed da matlab jo jaannan o ahairan agge jhukde nahi
حق چیز ای ایسی اے یارو گجھی جیہڑی رہ سکدی نہیں
جویں عِشق تے مُشک کسے صُورت لو کاں توں لگایاں لُکدے نہیں
Haq cheez ae aisi ae yaaro gajhi jehri reh sakdi nahi
Jiven ishq te mushk kise soorat lokan ton lagaya lukde nahi
کربل دی دھرتی دے ذرے ایہو پیغام سناندے نیں
عمراں مُک جاندیاں نیں تائبؔ پر عشق دے پینڈے مکدے نہیں
Karbal di dharti de zrray eho paighaam sanande ne
Umra muk jandiyan ni Taib par ishq de pende mukde nahi
Share This Naat
Share with friends and family
کِہدادُکھ ہر ویلے سجرا اے
حفیظ تائب