کردا رہو سوہنے دیاں باتاں اک دن سوہنا آجاوے گا
پڑھدا رہو ہر ویلے نعتاں اک دن سوہنا آجاوے گا
Karda raho sohne diyan baatan ik din sohna aajaave ga
Parhda raho har wele naatan ik din sohna aajaave ga
پُھل درود سلام دے گجرے ہنجواں تے نعتاں دی ڈالی
کٹھیاں کر لے ایہہ سوغاتاں اک دن سوہنا آجاوے گا
Phul durood salaam de gujre hanjwaan te naatan di daali
Kathiyan kar le eh soaugatan ik din sohna aajaave ga
سورت فجر دی فجرے اُٹھ کے کریا کر ہر روز تلاوت
مک جاون گیاں کالیاں راتاں اک دن سوہنا آجاوے گا
Soorat fajr di fajre uth ke karia kar har roz talawat
Muk javan giyan kaliyaan rataan ik din sohna aajaave ga
اوہدے نام دے دیوے بال کے بہہ جاویں تے ونڈی جاویں
اوہدے نام دیاں خیراتاں ، اک دن سوہنا آجاوے گا
Ohde naam de deeve baal ke beh jaaven te wandi jaaven
Ohde naam diyan khairatan, ik din sohna aajaave ga
خُون جگر دا لے کے دل تے روضے دی تصویر بنا لَے
ٹھپ دے کاغت قلم دواتاں اک دن سوہنا آجاوے گا
Khoon jigar da le ke dil te rozay di tasveer bana laye
Thap de kaaghat qalam dawataan ik din sohna aajaave ga
دل دے داغ غبار جگر دا ہنجواں باہجھ ناں دُھپ سکدا اے
کریا کر حالی برساتاں اک دن سوہنا آجاوے گا
Dil de daagh ghubaar jigar da hanjwaan baahj naan dhup sakda ae
Kara kar haali barsaatan ik din sohna aajaave ga
روضے وچ خیال جما کے کر کے مونہہ طیبہ دے ولے
پڑھدا رہو صائم صلٰوتاں اک دن سوہنا آجاوے گا
Roze wich khayal jama ke kar ke mooh tayyiba de walay
Parhda raho saaim salaatan ik din sohna aajaave ga
Share This Naat
Share with friends and family
کردا رہو سوہنے دیاں باتاں اک دن سوہنا آجاوے گا
علامہ صائم چشتی