کرب و بلا ہے ظلم کی اِک داستان ہے
آلِ رسولِ نور کا اِک امتحان ہے
Kar o bala hai zulm ki ik daastaan hai
Aal e Rasul e Noor ka ik imtehan hai
جس سے مودّت ، اجر کا باعث ہے بالیقیں
ارفع مرے رسول کا وہ خاندان ہے
Jis se mawadat, Ajr ka bais hai baliyaqeen
Arfa mere Rasool ka woh khandan hai
دشتِ بلا میں آلِ محمد نے بے جھجک
سب کُچھ لُٹا دیا ہے مگر کامران ہے
Dasht e bala mein Aal e Muhammad ne be jhijak
Sab kuch luta diya hai magar kaamran hai
خنجر تلے نماز ادا کی حُسین نے
نوکِ سناں پہ گُفتگو ان ہی کی شان ہے
Khanjar taley namaz ada ki Hussain ne
Nok e sanan pe guftagu un hi ki shaan hai
آدھی صدی کے بعد جو ہونا تھا آشکار
شبیر ایسے راز کا بھی راز دان ہے
Aadhi sadi ke baad jo hona tha aashkaar
Shabbir aise raaz ka bhi raaz daan hai
اِس دور میں یزید کا حامی بھی ہے یزید
برجستہ کہہ رہا ہوں کہ منہ میں زبان ہے
Is daur mein Yazeed ka haami bhi hai Yazeed
Barjasta keh raha hoon ke munh mein zabaan hai
جن پر درود کے بِنا ہوتی نہیں نماز
اُن ہی کا میں غُلام ہوں مجھ کو یہ مان ہے
Jin par darood ke bina hoti nahin namaz
Un hi ka main ghulam hoon mujh ko yeh maan hai
ٹکّر یزیدِ وقت سے لینا تو بس جلیل
ایمان ہی نہیں فقط ، ایماں کی جان ہے
Takkar Yazeed e waqt se lena to bas Jaleel
Imaan hi nahi fakat, eemaan ki jaan hai
Share This Naat
Share with friends and family
کرب و بلا ہے ظلم کی اِک داستان ہے
حافظ عبدالجلیل