Manqabat
ترا جلوہ نورِ خدا غوثِ اعظم
ترا جلوہ نورِ خدا غوثِ اعظم
ترا چہرہ اِیماں فزا غوثِ اعظم
Tera jalwa nur-e khuda Ghaus-e Aazam
Tera chehra imaan fiza Ghaus-e Aazam
مجھے بے گماں دے گما غوثِ اعظم
نہ پاؤں میں اپنا پتا غوثِ اعظم
Mujhe be gumaan de gamaa Ghaus-e Aazam
Na paaun mein apna pata Ghaus-e Aazam
خودی کو مٹادے خدا سے مِلادے
دے ایسی فنا و بقا غوثِ اعظم
Khudi ko mita de Khuda se milade
De aisi fana o baqa Ghaus-e Aazam
خودی کو گماؤں تو میں حق کو پاؤں
مجھے جامِ عرفاں پلا غوثِ اعظم
Khudi ko gumaun to mein haq ko paaun
Mujhe jaam-e irfaan pila Ghaus-e Aazam
خدا ساز آئینۂ حق نما ہے
ترا چہرئہ پُرضیا غوثِ اعظم
Khuda saaz aaina-e haq numa hai
Tera chehra-e purziya Ghaus-e Aazam
خدا تو نہیں ہے مگر تو خدا سے
جدا بھی نہیں ہے ذرا غوثِ اعظم
Khuda to nahi hai magar tu Khuda se
Juda bhi nahi hai zara Ghaus-e Aazam
نہ تو خود خدا ہے نہ حق سے جدا ہے
خدا کی ہے تو شان یاغوثِ اعظم
Na tu khud Khuda hai na haq se juda hai
Khuda ki hai tu shaan ya Ghaus-e Aazam
تو باغِ علی کا ہے وہ پھول جس سے
دماغِ جہاں بس گیا غوثِ اعظم
Tu bagh-e Ali ka hai woh phool jis se
Dimaagh-e jahaan bas gaya Ghaus-e Aazam
ترا مرتبہ کیوں نہ اعلیٰ ہو مولیٰ
ہے محبوبِ رَبُّ الْعُلَا غوثِ اعظم
Tera martaba kyu na aala ho maula
Hai mehboob-e Rab-ul-ula Ghaus-e Aazam
ترا رُتبہ اَللّٰہُ اَکْبَر سروں پر
قدم اَولیا نے لیا غوثِ اعظم
Tera rutba Allahu Akbar saron par
Qadam olia ne liya Ghaus-e Aazam
ترا دامنِ پاک تھامے جو رَہزن
بنے ہادی و رہنما غوثِ اعظم
Tera daman-e paak thaame jo rahzan
Bane haadi o rehnuma Ghaus-e Aazam
نہ کیوں مہرباں ہو غلاموں پہ اپنے
کرم کی ہے تو کان یا غوثِ اعظم
Na kyu meherban ho ghulaamon pe apne
Karam ki hai tu kaan ya Ghaus-e Aazam
ترے صدقہ جاؤں مری لاج رکھ لے
تیرے ہاتھ ہے لاج یا غوثِ اعظم
Tere sadqa jaaun meri laaj rakh le
Tere haath hai laaj ya Ghaus-e Aazam
پریشان کر دے پریشانیوں کو
پریشان دل ہے مرا غوثِ اعظم
Pareshan kar de pareshaniyon ko
Pareshan dil hai mera Ghaus-e Aazam
مری کشتی چکرا رہی ہے بھنور میں
مرے ناخدا باخدا غوثِ اعظم
Meri kashti chakraa rahi hai bhanwar mein
Mere naakhuda bakhuda Ghaus-e Aazam
خدارا سہارا سہارا خدارا
تلاطم ہے حد سے سوا غوثِ اعظم
Khudara sahara sahara Khudara
Talaatum hai had se sawa Ghaus-e Aazam
ارے مورے سیاں پڑوں تورے پیاں
پکڑ موری بیاں پیا غوثِ اعظم
Are more siyaan paru tore piyaan
Pakad mori biyaan piya Ghaus-e Aazam
خطائیں ہماری جو حد سے سوا ہیں
عطا تیری ان سے سوا غوثِ اعظم
Khtaien humaari jo had se sawa hain
Ataa teri un se sawa Ghaus-e Aazam
خطا کاریاں گرچہ حد سے بھی اپنی
سوا ہیں سوا ہیں سوا غوثِ اعظم
Khta kariyaan garcha had se bhi apni
Sawa hain sawa hain sawa Ghaus-e Aazam
ہماری خطا کو تمہاری عطا سے
بھلا کوئی نسبت بھی یا غوثِ اعظم
Humaari khata ko tumhaari ataa se
Bhala koi nisbat bhi ya Ghaus-e Aazam
تو رحم و کرم کا ہے بے پایاں دَریا
یہ اِک فردِ عصیاں ہے کیا غوثِ اعظم
Tu rehmo karam ka hai be paayaan dariyaa
Ye ek fard-e isyaan hai kya Ghaus-e Aazam
یہ اِک فردِ عصیاں ہے کیا تیرے آگے
اگر لاکھوں سے ہوں سوا غوثِ اعظم
Ye ek fard-e isyaan hai kya tere aage
Agar laakhon se hon sawa Ghaus-e Aazam
ترا ایک ہی قطرہ دھو دے گا سارا
ہر اِک صفحۂ پُرخطا غوثِ اعظم
Tera ek hi qatra dho dega saara
Har ek safah-e purkhata Ghaus-e Aazam
تو بیکس کا کس اور بے بس کا بس ہے
تواں ناتوانوں کی یاغوثِ اعظم
Tu bekas ka kas oor bebas ka bas hai
Tawaan natawano ki ya Ghaus-e Aazam
مری جان میں جان آئے جو آئے
مرا جانِ عالم مرا غوثِ اعظم
Meri jaan mein jaan aaye jo aaye
Mera jaan-e aalam mera Ghaus-e Aazam
مری جان کیا جانِ ایماں ہو تازہ
کہ ہے محی دِینِ خدا غوثِ اعظم
Meri jaan kya jaan-e imaan ho taaza
Ke hai Mohi dīn-e Khuda Ghaus-e Aazam
مرا سر تری کفش پا پر تصدق
وہ پا کے تو قابل ہے یا غوثِ اعظم
Mera sar teri kash pa par tasdaq
Woh paa ke tu qabil hai ya Ghaus-e Aazam
جھلک رُوئے اَنور کی اپنی دکھا کر
تو نوریؔ کو نوری بنا غوثِ اعظم
Jhalak rue anwar ki apni dikha kar
Tu Noori ko Noori bana Ghaus-e Aazam
Share This Naat
Share with friends and family
ترا جلوہ نورِ خدا غوثِ اعظم
مفتی مصطفٰی رضا خان