کرم ہو جان کو ہے سخت خطرہ یارسولَ اللہ
نہ پِس جائے کہیں ناچیز ذرّہ یارسولَ اللہ
Karam ho jaan ko hai sakht khatra ya Rasool Allah
Na pis jaaye kahin na cheez zarra ya Rasool Allah
بُلاؤں کس طرح میں اپنی کُٹیا میں تمہیں سروَر
کہ اس قابِل نہیں ہے میرا حُجرہ یارسولَ اللہ
Bulaaon kis tarah mein apni kutia mein tumhe sarwar
Ke is qabil nahin hai mera hujra ya Rasool Allah
اگر چشمِ کرم ہو تو تَلاطُم خیز موجوں سے
ابھی ہو پار میرا ڈوبا بَجْرا یارسولَ اللہ
Agar chashm-e-karam ho to talatum khez maujon se
Abhi ho paar mera dooba bajra ya Rasool Allah
میں اِس دنیائے فانی میں بھی قبرو حشر و جنّت میں
ہر اِک جا پر لگاؤں گا یہ نعرہ یارسولَ اللہ
Mein is duniya-e-fani mein bhi qabr-o-hashr-o-jannat mein
Har ik ja par lagaon ga yeh naara ya Rasool Allah
یقینا جس کے آگے چودہویں کا چاند شرمائے
تمہارا ہے وہ چہرہ نِکھرا نِکھرا یارسولَ اللہ
Yaqeena jis ke aage chodhween ka chaand sharmaaye
Tumhara hai woh chehra nikhra nikhra ya Rasool Allah
کرم سے تم بلاتے ہو کرم ہی سے تم آتے ہو
تمہارے ہی کرم سے بخت سنورا یارسولَ اللہ
Karam se tum bulaate ho karam hi se tum aate ho
Tumhare hi karam se bakht sunwara ya Rasool Allah
میں بن جاؤں گا دیوانہ میں ہوجاؤں گا مستانہ
عطا ہو عشق کا گر ایک ذرّہ یارسولَ اللہ
Mein ban jaon ga deewana, mein ho jaon ga mastana
Ata ho ishq ka gar ek zarra ya Rasool Allah
تمہاری یاد میں رویا کروں تڑپا کروں کر دو
عنایت اپنے غم کا زخم گہرا یارسولَ اللہ
Tumhari yaad mein roya karoon, tadpa karoon kar do
Inayat apne gham ka zakhm gehra ya Rasool Allah
رُلائے تیرا غم، دنیا کے غم میں میرے آنسو کا
نہ ہو برباد آقا کوئی قطرہ یارسولَ اللہ
Rulai tera gham, duniya ke gham mein mere aansu ka
Na ho barbaad aaqa koi qatra ya Rasool Allah
بلا لو گُنبَدِ خَضرا کی ٹھنڈی ٹھنڈی چھاؤں میں
مدینے کا دکھا دو مجھ کو صَحر ا یارسولَ اللہ
Bula lo gumbad-e-khazra ki thandi thandi chhaon mein
Madinay ka dikha do mujh ko sahra ya Rasool Allah
سعادت کربلا کی حاضِری کی بھی عنایت ہو
دکھا دیجے مجھے بغداد وبصرہ یارسولَ اللہ
Saadat Karbala ki haaziri ki bhi inayat ho
Dikha dije mujhe Baghdad o Basra ya Rasool Allah
نکلنے والی ہے اب روحِ مُضطَرجسم سے جاناں
کرم! ایماں کو ہے شیطاں سے خطرہ یارسولَ اللہ
Nikalne wali hai ab rooh-e-muztar jism se jaana
Karam! Emaan ko hai shaitaan se khatra ya Rasool Allah
ہوئی جاتی ہے ہائے عمر ضائع جانتا ہوں میں
نہیں آئے گا ہرگز وقت گزرا یارسولَ اللہ
Hui jaati hai haaye umr zaya jaanta hoon mein
Nahin aaye ga hargiz waqt guzra ya Rasool Allah
کرم! عطاؔرِ بداطوار کے گلزار پر آقا
لگایا ہے خَزاں نے سخت پہرا یارسولَ اللہ
Karam! Atta-r-e-badatwaar ke gulzar par aaqa
Lagaya hai khaza'n ne sakht pehra ya Rasool Allah
Share This Naat
Share with friends and family
کرم ہو جان کو ہے سخت خطرہ یارسولَ اللہ
الیاس عطار قادری