کرم ہے بے نہایت گنبدِ خضرا کے سائے میں
چمک اُٹھتی ہے قسمت گنبدِ خضرا کے سائے میں
Karam hai be nihayat gunbad-e-khazra ke saaye mein
Chamak uthti hai qismat gunbad-e-khazra ke saaye mein
ہے مظہر آیہ لاَ ترْفَعُوْا کا زائرِ حضرتؐ
عقیدت کی ہے صورت گنبدِ خضرا کے سائے میں
Hai mazhar aayah laa tarfa’u ka zaair-e-hazrat
Aqeedat ki hai soorat gunbad-e-khazra ke saaye mein
مواجہ پر سلام ِ عجز کوئی پیش کرتا ہے
کسی کو ہے یہ حسرت گنبدِ خضرا کے سائے میں
Muwajah par salaam e ajz koi pesh karta hai
Kisi ko hai ye hasrat gunbad-e-khazra ke saaye mein
ستونِ عائشہ کے پاس کوئی سر جھکائے ہے
کوئی ہے محوِ حیرت گنبدِ خضرا کے سائے میں
Satoon-e-Ayesha ke paas koi sar jhukaye hai
Koi hai mehve hairat gunbad-e-khazra ke saaye mein
ملی کیا شان حنّانہ کو سرکارِ دوعالم سے
رہے گا تا قیامت گنبدِ خضرا کے سائے میں
Mili kya shaan hannana ko sarkaar-e-do aalam se
Rahega taa qayamat gunbad-e-khazra ke saaye mein
ستونِ بی لبابہ کے قریں تائب ہوا تائب
ملی ذرّے کو رفعت گنبدِ خضرا کے سائے میں
Satoon-e-bi lubaba ke qareen taaib hua taaib
Mili zarre ko rifat gunbad-e-khazra ke saaye mein
نظر آئے تہجد اور وفود و وحی کے منظر
ہوئی بارانِ رحمت گنبدِ خضرا کے سائے میں
Nazar aaye tahajjud aur wufud o wahi ke manzar
Hui baaran-e-rehmat gunbad-e-khazra ke saaye mein
نشاناتِ سریر وُصفّہ سے آنکھیں ہوئیں روشن
ملی دل کو طراوت گنبدِ خضرا کے سائے میں
Nishanaat-e-sareer wu’suffa se aankhein hui roshan
Mili dil ko tarawat gunbad-e-khazra ke saaye mein
جبیں سائی ریاض الجنّتہ میں عینِ سعادت ہے
عبادت ہے عبادت گنبدِ خضرا کے سائے میں
Jabeen saaiy riyaaz ul jannutah mein ayn-e-sa’adat hai
Ibaadat hai ibaadat gunbad-e-khazra ke saaye mein
حریمِ سرورِؐ دیں میں شرف سجدوں کا حاصل ہے
تشہدّ کی ہے لذّت گنبدِ خضرا کے سائے میں
Hareem-e-sarwar deen mein sharaf sajdon ka haasil hai
Tashahudd ki hai lazat gunbad-e-khazra ke saaye mein
مرے بے تاب جذبوں میں ہے صورت شادمانی کی
تڑپنے میں ہے راحت گنبد خضرا کے سائے میں
Mere be taab jazbon mein hai soorat shaadmani ki
Tadapne mein hai rahat gunbad khazra ke saaye mein
نظر کے سامنے ہیں گنبد ِ خضرا کے نظاّرے
عجب ہے دل کی حالت گنبدِ خضراکے سائے میں
Nazar ke samne hain gunbad-e-khazra ke nzzaare
Ajab hai dil ki haalat gunbad-e-khazra ke saaye mein
یہ دربارِ رسالت ہے بہر سو اُن کے جلوے ہیں
تجّلی کی ہے کثرت گنبدِ خضراکے سائے میں
Ye darbaar-e-risaalat hai bahr so un ke jalwe hain
Tajalli ki hai kasrat gunbad-e-khazra ke saaye mein
ہوئے جو آستانِ پاک پر حاضر ملی ان کو
شفاعت کی بشارت گنبدِ خضرا کے سائے میں
Hue jo aastaan-e-paak par haazir mili un ko
Shafaat ki bashaarat gunbad-e-khazra ke saaye mein
زیارت روضہ اطہر کی دیدارِ پیمبرؐ ہے
ہوئی کیا کیا عنایت گنبدِ خضرا کے سائے میں
Ziyarat rozah athar ki deedaar-e-paamber hai
Hui kya kya inayat gunbad-e-khazra ke saaye mein
رہا تائبؔ پہ لطف خاض سرکارِؐ دو عالم کا
ہوئی توفیقِ مدحت گنبدِ خضرا کے سائے میں
Raha taaib pe lutf khaas sarkaar-e-do aalam ka
Hui taufiq-e-madhat gunbad-e-khazra ke saaye mein
Share This Naat
Share with friends and family
کرم ہے بے نہایت گنبدِ خضرا کے سائے میں
حفیظ تائب