کہوں گا حالِ دل سرکارِ عالم کملی والے سے
ملے گا دل کے ہر گھاؤ کو مرہم کملی والے سے
Kahoon ga haal-e-dil Sarkar-e-Alam kamliwale se
Mile ga dil ke har ghaao ko marham kamliwale se
کلی دل کی کھلے گی گل کھلے گا وصلِ سرور کا
ہرا ہو گا ہمارے دل کا موسم کملی والے سے
Kali dil ki khule gi gul khule ga Wasl-e-Sarwar ka
Hara ho ga hamare dil ka mausam kamliwale se
سوائے روحِ عالم کے کہاں کوئی ہمارا ہے
لگی ہے آس محمودِ مکرم کملی والے سے
Siwaye Rooh-e-Alam ke kahan koi hamara hai
Lagi hai aas Mahmood-e-Mukarram kamliwale se
اسی درگاہ کا مہکا ہوا ہر اک دوارہ ہے
معطر ہے حرم عطرِ دو عالم کملی والے سے
Isi dargah ka meheka hua har ik dawara hai
Muattar hai Haram itr-e-do-aalam kamliwale se
وہی ہمدم وہی مولا وہی محکوم کے حامی
سہارا ہے ملا عاصی کو ہر دم کملی والے سے
Wohi humdam wohi Maula wohi mahkoom ke haami
Sahara hai mila aasi ko har dam kamliwale se
Share This Naat
Share with friends and family
کہوں گا حالِ دل سرکارِ عالم کملی والے سے
اشفاق احمد غوری