جبینِ شاہِ امم رشکِ صد قمر ہوئی ہے
حجاب زلف کا سرکا ہے تب سحر ہوئی ہے
Jabeen-e-Shah-e-ummam rashk-e-sad qamar hui hai
Hijab zulaf ka sarka hai tab sehr hui hai
خدا یہ نام بہ ہر کیف رد نہیں کرتا
دعا درود میں لپٹی تو کار گر ہوئی ہے
Khuda ye naam ba har kaif rad nahi karta
Dua darood mein lapti to kar gar hui hai
وہی حیات ہے ساری حیات کا حاصل
حیات جتنی درِ شاہ پر بسر ہوئی ہے
Wohi hayat hai sari hayat ka hasil
Hayat jitni dar-e-shah par basar hui hai
ہوائے دشتِ مدینہ سے روبرو ہو کر
بریدۂ شاخِ کہن واقفِ ثمر ہوئی ہے
Hawa-e-dasht-e-Madina se roobaroo ho kar
Bureeda-e-shaakh-e-kuhan waqif-e-samar hui hai
نعالِ سرورِ کون و مکان کو چھو کر
عرب کی کنکری بھی قبلۂ گہر ہوئی ہے
Na'al-e-Sarwar-e-kon o makaan ko choo kar
Arab ki kankari bhi qibla-e-gohar hui hai
قدم قدم پہ فرشتوں کی مجلسیں ہیں جہاں
وہ رشکِ خلد گلی دل کا مستقر ہوئی ہے
Qadam qadam pe farishton ki majliseen hain jahan
Woh rashk-e-khuld gali dil ka mustaqarr hui hai
ملا ہے ذوقِ ثنا اور اذن و حرفِ ثنا
خدائے حرف کی اشفاق پر نظر ہوئی ہے
Mila hai zauq-e-sana aur izn o harf-e-sana
Khudai harf ki ashfaq par nazar hui hai
Share This Naat
Share with friends and family
جبینِ شاہِ امم رشکِ صد قمر ہوئی ہے
اشفاق احمد غوری