سوالی تیرے نیں خاکی تے نوری یا رسول اللہ
تُسی کردے او سب دی آس پوری یا رسول اللہ
Sawaali tere nein khaaki te noori ya Rasool Allah
Tusi karde o sab di aas poori ya Rasool Allah
ترے قدماں دے تیکر پہنچنا معراج ہے میری
ہے تیری حاضری میری حضوری یا رسول الله
Tere kadmaan de teikar pahunchna meraaj hai meri
Hai teri haazri meri hazoori ya Rasool Allah
مین رو رو منگدا رہنا تیرے دربار دی قربت
خدارا کر دیو ہن دُور دُوری یا رسول اللہ
Main ro ro mangda rehna tere darbaar di qurbat
Khudaara kar deo hun door doori ya Rasool Allah
تیرے دربار عالی دے فقیراں دی گداواں دی
نہیں رہندی آرزو کوئی ادھوری یا رسول اللہ
Tere darbaar aali de faqiran di gadawan di
Nahi rehndi aarzu koi adhuri ya Rasool Allah
کسے عاقل تے بالغ تے سیانے دی نہیں گل ایتھے
تیری تعریف ہووے لاشعوری یا رسول اللہ
Kise aaqil te baaligh te siyaane di nahi gal ethe
Teri tareef howe la-shu'oori ya Rasool Allah
ترا ناں لیندیاں انج رقص کردا قلب صائم دا
جویں نچدے سی بُلھے شاہ قصوری یا رسول اللہ
Tera naam leindiyan inj raqs karda qalb Sa'im da
Joivein nachde si Bulleh Shah qasoori ya Rasool Allah
Share This Naat
Share with friends and family
سوالی تیرے نیں خاکی تے نوری یا رسول اللہ
علامہ صائم چشتی