کہاں ملتی مسرت دور رنج و غم کہاں ہوتے
نہ آتے مصطفیٰؐ تو ہم خوش و خرم کہاں ہوتے
Kahan milti musarrat door ranj o gham kahan hotay
Na aatay Mustafaؐ to hum khush o khurram kahan hotay
قدم رنجہ نہ فرماتے اگر سرکار گیتی پر
شرارے آتشِ ظلم و ستم کے کم کہاں ہوتے
Qadam ranja na farmatay agar Sarkar geeti par
Sharaaray aatish-e-zulm o sitam ke kam kahan hotay
انیسِ بے کساں نے سر خوشی کر دی عطا ورنہ
مسرت آشنا دنیا میں اہلِ غم کہاں ہوتے
Anees-e-bay kasan ne sar khushi kar di aata warna
Musarrat aashna duniya mein ahl-e-gham kahan hotay
نہ ہوتی دہر میں بعثت اگر محبوبِ داور کی
خلائق میں معظم ہم بنی آدم کہاں ہوتے
Na hoti deher mein basat agar mehboob-e-dawar ki
Khala'iq mein mo'azzam hum Bani Adam kahan hotay
وجودِ عالمیں ہے آمدِ سرکار کا صدقہ
اگر آقاؐ نہیں ہوتے تو دو عالم نہیں ہوتے
Wujud-e-alameen hai amad-e-Sarkar ka sadqa
Agar Aqaaؐ nahi hotay to do aalam nahi hotay
نہ جم جاتے اگر بوبکر اپنے عزمِ محکم پر
خلافت میں اٹھے فتنوں کے تیور کم نہیں ہوتے
Na jam jatay agar Boobakr apne azm-e-muhkam par
Khilafat mein uthe fitnon ke teewar kam nahi hotay
مشیت کو بنانا تھا نبیؐ کا مدعا ورنہ
عمر بھی عازمِ سوئے درِ ارقم نہیں ہوتے
Mashi'at ko banana tha Nabiؐ ka mudda warna
Umar bhi aazim-e-sooye dar-e-arqam nahi hotay
اگر ذاتِ غنی ہوتی نہ صدرشکِ حیا داری
فرشتوں میں غنی کے تذکرے باہم نہیں ہوتے
Agar zaat-e-ghani hoti na sadarashk-e-haya daari
Farishton mein Ghani ke tazkire baaham nahi hotay
نہ گرتی برق کی صورت جو شمشیرِ ید اللٰہی
سرِ مغرور باطل قوتوں کے کم نہیں ہوتے
Na girti barq ki surat jo shamsheer-e-yad-allaahi
Sar-e-maghroor batil quwaton ke kam nahi hotay
اگر شامل لہو ہوتا نہ ایثار خدیجہ کا
در و دیوار قصرِ دیں کے مستحکم نہیں ہوتے
Agar shaamil lahoo hota na isaar Khadija ka
Dar o deewar qasr-e-deen ke mustahkam nahi hotay
ہمیں احسؔن نبیؐ کا دامنِ رحمت ملا ورنہ
رہِ ہستی میں گم گشتہ نہ جانے ہم کہیں ہوتے
Humein Ahsan Nabiؐ ka daman-e-rehmat mila warna
Rah-e-hasti mein gum gashta na jane hum kahin hotay
Share This Naat
Share with friends and family
کہاں ملتی مسرت دور رنج و غم کہاں ہوتے
احسن اعظمی