نہ ایمن کی حسیں وادی نہ حسنِ طور سینا ہے
عقیدت کا مری مرکز فقط شہرِ مدینہ ہے
Na Aiman ki haseen wadi na husn-e-Toor-e-Seena hai
Aqeedat ka meri markaz faqat shehr-e-Madina hai
ادھر بھی اِک نظر کردے بہت دشوار جینا ہے
الٰہی خیر فرما دے تلاطم میں سفینہ ہے
Idhar bhi ek nazar karde bohat dushwar jeena hai
Ilahi khair farma dey talatum mein safeena hai
سوا ہے جس کی خوشبو مشک و عنبر سے گلِ تر سے
رسولِ پاکؐ کے وہ جسمِ اطہر کا پسینہ ہے
Sawa hai jis ki khushboo mushk o anbar se gul-e-tar se
Rasool-e-paak ﷺ ke woh jism-e-athar ka paseena hai
نہ ہو عشقِ پیمبر کی تجلی جس کی ہستی میں
سمجھیے اس کا دل تاریک ہے، بے نور سینہ ہے
Na ho ishq-e-Payambar ki tajalli jis ki hasti mein
Samjhiye us ka dil tareek hai, be-noor seena hai
مئے حُبِ نبیؐ سے جو ہوا سرشار دنیا میں
سرِ محشر یقیناً جامِ کوثر اس کو پینا ہے
Mai-e-hub-e-Nabi ﷺ se jo hua sarshar duniya mein
Sar-e-mahshar yaqeenan jaam-e-Kausar us ko peena hai
سجاتے ہیں غلامانِ نبیؐ میلاد کی محفل
جو ہیں میلاد کے منکر، نبیؐ سے ان کو کینہ ہے
Sajate hain ghulaman-e-Nabi ﷺ milaad ki mehfil
Jo hain milaad ke munkir, Nabi ﷺ se un ko keena hai
ابو بکر و عمر عثمان و حیدر بوذر و طلحہ
نبیؐ کا ہر صحابی لعل و گوہر ہے، نگینہ ہے
Abu Bakr o Umar Usman o Haider Bozar o Talha
Nabi ﷺ ka har Sahabi laal o gohar hai, nageena hai
فقط صدقہ ہے یہ سرکار کے فیضانِ رحمت کا
ہمارے پاس جو یہ آج جینے کا قرینہ ہے
Faqat sadqa hai ye Sarkar ke faizan-e-rehmat ka
Hamaray paas jo ye aaj jeene ka qareena hai
عطا احسؔن کو کردے یا خدا حسان کا صدقہ
شعورِ نعت گوئی ہے نہ مدحت کا قرینہ ہے
Ata Ahsan ko karde ya Khuda Hassaan ka sadqa
Shaoor-e-naat goyi hai na madhat ka qareena hai
Share This Naat
Share with friends and family
نہ ایمن کی حسیں وادی نہ حسنِ طور سینا ہے
احسن اعظمی