جو ضَوفشاں ہے ضُحٰی کی بارش
یہی ہے نُورِ خُدا کی بارش
Jo zaufashan hai zuha ki barish
Yahi hai noor-e-Khuda ki barish
خُدا جو مُعطی ہے ، تُو ہے قاسم
ہے تُجھ پہ قاسم ! عطا کی بارش
Khuda jo mu'ti hai, tu hai qasim
Hai tujh pe qasim! Ata ki barish
غنی نے تُجھ کو ، غنی بنایا
سدا ہے تُجھ پر غِنا کی بارش
Ghani ne tujh ko, ghani banaya
Sada hai tujh par ghina ki barish
وہ سب کو دیتے ہیں جھولی بھرکر
کہ ہو رہی ہے سخا کی بارش
Woh sab ko dete hain jholi bharkar
Ke ho rahi hai sakha ki barish
اُتر رہے ہیں فرشتے ہر دم
وہ لے کے صلِّ علیٰ کی بارش
Uttar rahe hain farishte har dam
Woh le ke sall-e-Ala ki barish
اُنہی کے فہم و ذکا کا صدقہ
ہوئی ہے فہم و ذکا کی بارش
Unhi ke fahm o zaka ka sadqa
Hui hai fahm o zaka ki barish
دُعا ہے میری ، مدینے جا کر
میں دیکھوں فضلِ خُدا کی بارش
Dua hai meri, Madine ja kar
Main dekhun fazl-e-Khuda ki barish
درود پڑھ کر دُعا جو مانگے
اُسی پہ برسی رضا کی بارش
Darood parh kar dua jo maange
Usi pe barsi Raza ki barish
لبوں پہ جاری ، کہ جن کے برسی
دلوں پہ ہر دم ثنا کی بارش
Labon pe jari, ke jin ke barsi
Dilon pe har dam sana ki barish
جلیل کرتا ہوں جن کی مدحت
اُنہی کی ہے یہ عطا کی بارش
Jaleel karta hoon jin ki madhat
Unhi ki hai yeh ata ki barish
Share This Naat
Share with friends and family
جو ضَوفشاں ہے ضُحٰی کی بارش
حافظ عبدالجلیل