جو خوش نصیب حرم میں قیام کرتے ہیں
ہم ان مکینوں کو جھک کر سلام کرتے ہیں
Jo khush naseeb haram mein qiyam karte hain
Hum un makino ko jhuk kar salam karte hain
صدائیں دیتے ہیں گلیوں میں جو مدینے کی
ہم ان گداؤں کا بھی احترام کرتے ہیں
Sadaen dete hain galiyon mein jo Madine ki
Hum un gadaon ka bhi ehtram karte hain
وہ بے دیار ٹھکانہ کہیں نہیں جن کا
نبی ؐ کے قدموں میں آکر قیام کرتے ہیں
Wo be-diyar thikana kahin nahi jin ka
Nabi ﷺ ke qadmon mein aakar qiyam karte hain
نبی ؐ کے چاہنے والے بشر طِ اذنِ حضور
دیارِ پاک میں عمرِ تمام کرتے ہیں
Nabi ﷺ ke chahne wale bashar t' izn-e-Huzoor
Diyar-e-Paak mein umr-e-tamam karte hain
غلام وقت نہیں ہوتے عاشقانِ رسول
وہ خود زمانے کو اپنا غلام کرتے ہیں
Ghulam waqt nahi hote ashiqan-e-Rasool
Wo khud zamane ko apna ghulam karte hain
جنہیں خبر ہے کہ تعلیمِ مصطفی ٰ کیا ہے
فقط کلام نہیں کرتے کام کرتے ہیں
Jinhein khabar hai ke taleem-e-Mustafa ﷺ kya hai
Faqat kalam nahi karte kaam karte hain
ہم ان کے مدح سرا نعت کے حوالے سے
نبیؐ کے اسوہء حسنہ کو عام کرتے ہیں
Hum un ke madh sarnaat ke hawale se
Nabi ﷺ ke uswa-e-husna ko aam karte hain
درِ نبی ؐ کا تصوّر ‘دیارِ پاک کا خواب
انہی فضاؤں میں ہم صبح و شام کرتے ہیں
Dar-e-Nabi ﷺ ka tasawwur 'diyar-e-paak ka khwab
Inhi fazaon mein hum subah o shaam karte hain
ہم اس دیار کے ادنیٰ غلام ہیں اقبؔال
جہاں فرشتے بھی آکر سلام کرتے ہیں
Hum is diyar ke adna ghulam hain Iqbaal
Jahan farishte bhi aakar salam karte hain
Share This Naat
Share with friends and family
جو خوش نصیب حرم میں قیام کرتے ہیں
پروفیسراقبال عظیم