جو غلامِ شہِ ابرار ہُوا خوب ہُوا
وقت کا اپنے وہ سردار ہُوا خوب ہُوا
Jo ghulam-e-sheh-e-abrar huwa khub huwa
Waqt ka apne woh sardar huwa khub huwa
ان کے در کا جو نمک خوار ہوا خوب ہوا
اس کی ٹھوکر میں یہ سنسار ہوا خوب ہُوا
In ke dar ka jo namak khwaar huwa khub huwa
Is ki thokar mein yeh sansar huwa khub huwa
گنبدِ سبز پُر انوار ہُوا خوب ہُوا
رشکِ فردوس وہ دربار ہُوا خوب ہُوا
Gunbad-e-sabz pur anwar huwa khub huwa
Rashk-e-firdous woh darbaar huwa khub huwa
مُسکرا دے جو اندھیرے میں سُوئی مِل جائے
شاہِ دِیں منبعِ انوار ہُوا خوب ہُوا
Muskura de jo andhere mein sooee mil jaye
Shah-e-deen manba-e-anwar huwa khub huwa
طائرِ سِدرہ اگر جائیں تو پر جل جائیں
جانا سرکار کا اُس پار ہُوا خوب ہُوا
Tair-e-sidrah agar jayein to par jal jayein
Jana sarkaar ka us paar huwa khub huwa
مرحمت اس کو سبھی عِلمِ خفی اور جلی
خوب ہر شے سے خبردار ہُوا خوب ُہُوا
Marhamat us ko sabhi ilm-e-khafi aur jali
Khub har shai se khabardar huwa khub huwa
ورفعنا لک ذِکرک کی بہاریں دیکھو
ذکرِ سرکار چمکدار ہُوا خوب ہُوا
Wa rafa'na lak zikrak ki baharain dekho
Zikar-e-sarkaar chamakdar huwa khub huwa
سرِ بالیں جو اگر دیکھنے کو وہ آئیں
کتنا خوش بخت وہ بیمار ہُوا خوب ہُوا
Sar-e-baleen jo agar dekhne ko woh aayein
Kitna khush bakht woh beemar huwa khub huwa
پیروی اُن کی کرے جو بھی ہدایت پائے
میرے سرکار کا جو یار ہُوا خوب ہُوا
Pairwi un ki kare jo bhi hidayat paaye
Mere sarkaar ka jo yaar huwa khub huwa
ان کے قدموں میں گِرے خون کے پیاسے آ کر
شاہِ کونین کا کردار ہُوا خوب ہُوا
Un ke qadamoon mein gire khoon ke pyaase aa kar
Shah-e-konain ka kirdar huwa khub huwa
مدحتِ شاہ میں مِنقار جو مرزا کے کُھلے
ان کی رحمت کا یہ حقدار ہُوا خوب ہُوا
Madhat-e-shah mein minqar jo Mirza ke khule
Un ki rehmat ka yeh haqdar huwa khub huwa
Share This Naat
Share with friends and family
جو غلامِ شہِ ابرار ہُوا خوب ہُوا
مرزا جاوید بیگ عطاری