جو بھی درِ رسول کے ہو جائے روبرو
پھر زندگی میں کیا ہو بھلا اُس کی جُستجو
Jo bhi dar-e-rasool ke ho jaye roobaru
Phir zindagi mein kya ho bhala us ki justoju
آدم سے پیشتر بھی تھے چرچے حضور کے
اب بھی انہی کے نام کا چرچا ہے کُو بکُو
Adam se peshtar bhi they charche huzoor ke
Ab bhi inhi ke naam ka charcha hai koo bakoo
تُجھ سا شہا ہوا ہے نہ ہوگا کہیں کوئی
ہر اِک زبان پر یہی رہتی ہے گُفتگو
Tujh sa sheha hua hai na hoga kahin koi
Har ik zabaan par yehi rehti hai guftagu
ذرّے سے آفتاب تلک سب ہی عبد ہیں
منصب مرے رسول کا لیکن ہے عبدہْ
Zarre se aaftaab talak sab hi abd hain
Mansab mere rasool ka lekin hai abdahu
جس رہ سے ایک بار بھی آقا گزر گئے
وہ رہگزار آج بھی رہتی ہے مُشکبو
Jis rah se aik baar bhi aaqa guzr gaye
Woh rehguzar aaj bhi rehti hai mushkboo
اِس دورِ ابتلا میں بھی تیرے جو ہو گئے
ڈنکا اُنہی کے نام کا بجتا ہے چار سُو
Is daur-e-ibtala mein bhi tere jo ho gaye
Danka unhi ke naam ka bajta hai chaar soo
وہ خوش نصیب تھے جو تری بزمِ ناز میں
تیرے رُخِ حَسین کو تکتے تھے رُوبرو
Woh khush naseeb the jo teri bazm-e-naaz mein
Tere rukh-e-haseen ko takte the roobaru
بیٹی ، درندگی کا جو ہوتی رہی شکار
تُو نے بچائی بیٹی کی سرکار آبرو
Beti, darindagi ka jo hoti rahi shikaar
Tu ne bachai beti ki sarkaar aabru
صُلحِ حُدیبیہ ہو کہ مکّہ میں عفوِ عام
کوئی نہیں جہان میں تُجھ ایسا صُلح جُو
Sulh-e-Hudaybiyyah ho ke Makkah mein afu-e-aam
Koi nahi jahan mein tujh aisa sulh-ju
قرآن میں ہے ذکر تری نرم خوئی کا
سب ہیں ترے جوار میں تُو ہے جو نرم خُو
Quran mein hai zikr teri narm khoi ka
Sab hain tere jawar mein tu hai jo narm khoo
تیرے حَسن ، حُسین کی تعریف کیا کروں
جو خال و خد میں ہیں تری تصویر ہُو بہو
Tere Hasan, Husain ki tareef kya karun
Jo khaal-o-khad mein hain teri tasveer hoo bahoo
جس کو گدائی آپ کے در کی عطا ہوئی
وہ ہی تو ہیں جلیل زمانے میں سُرخرو
Jis ko gadaai aap ke dar ki ataa hui
Woh hi to hain jaleel zamanay mein surkhru
Share This Naat
Share with friends and family
جو بھی درِ رسول کے ہو جائے روبرو
حافظ عبدالجلیل